"سۇڭقار" شاڭعى ترامپليندەرىنىڭ حالىقارالىق كەشەنى 13 مامىردا ەڭ ەرىكتى ەكسترەمالدار ءۇشىن بىرەگەي تۋرنير وتكىزىلەتىن ورىنعا اينالادى.
شاڭعى ترامپليندەرىندە قازاقستان ايماعىندا جىل سايىن اۋقىمدى ءارى جوعارى دەڭگەيدە جارىستار وتەدى. بۇل جولى رەسپۋبليكادا توزىمدىلىككە، كۇش پەن باتىلدىققا ارنالعان ەرەكشە جارىس ءداستۇرلى تۇردە الماتىدا وتكىزىلمەك. قاتىسۋشىلار نەبارى 400 مەتر قاشىقتىقتى ەڭسەرۋى كەرەك، بىراق سپورتتىق شارانى قيىنداتۋ ءۇشىن جاڭا تالاپتار مەن تاپسىرمالار ويلاستىرىلىپ جاتىر. .
جەڭىمپازداردى قىمبات سىيلىقتار كۇتەدى. جەكە جانە كوماندالىق ەسەپتە ۇزدىك ۇشتىككە ەنگەن قاتىسۋشىلار ماراپاتتارعا يە بولادى.
بيىلعى جىلى جارىس التىنشى رەت وتەدى جانە وعان قاتىسقىسى كەلەتىندەردىڭ سانى ءار ماۋسىمدا ارتىپ كەلەدى. العاش رەت 300-گە جۋىق ادام جارىسقا قاتىسقان، بۇل جولى ولاردىڭ سانى ارتپاق. تاۋعا تىك كوتەرىلۋ وڭاي ەمەس. سپورتشىنىڭ ءيمپۋلسى مينۋتىنا 200 سوققىعا دەيىن جەتەدى، ال جارىس كەزىندە قان اينالىمى ادەتتەگىدەن 8 ەسە جوعارى. سوندىقتان جۇگىرۋشى بيىكتىككە شابۋىل جاساپ قانا قويماي، ناعىز ەرىك-جىگەر ەمتيحانىنان وتەدى"- دەيدى RB 400 باس سۋدياسى تيمۋر ارتيۋحين.
«سۇڭقار» حالىقارالىق شاڭعى ترامپليندەرى كەشەنى 2011 جىلعى قىسقى ازيا ويىندارىنا وراي ارنايى سالىنعان. 2017 جىلعى بۇكىلالەمدىك قىسقى ۋنيۆەرسيادا كەزىندە دە بۇل ترامپليندەر قايتادان سپورت دوداسىنى قاناعان قازانىنا اينالدى. «سۇڭقاردىڭ» سپورتتان بولەك مادەنيەتكە دە سىڭىرگەن ەڭبەگى زور. اتى اڭىزعا اينالعان «الماتى ەڭ العاشقى ماحابباتىم» رەترو-فەستيۆالى دە «سۇڭقار» قاناتىنىڭ استىندا ءوتتى.كەشەننىڭ جالپى اۋدانى 15137 شارشى مەتر، اشىق ستاديوننىڭ سىيىمدىلىعى 5200 كورەرمەن، ۇلكەن ترامپليندەردىڭ بيىكتىگى 125 جانە 90 مەتردى قۇرايدى.ترامپلين كەشەنى 2 بولىمنەن تۇرادى.
