"Suńqar" shańǵy tramplınderiniń halyqaralyq kesheni 13 Mamyrda eń erikti ekstremaldar úshin biregeı týrnır ótkiziletin orynǵa aınalady.
Shańǵy tramplınderinde Qazaqstan aımaǵynda jyl saıyn aýqymdy ári joǵary deńgeıde jarystar ótedi. Bul joly Respýblıkada tózimdilikke, kúsh pen batyldyqqa arnalǵan erekshe jarys dástúrli túrde Almatyda ótkizilmek. Qatysýshylar nebári 400 metr qashyqtyqty eńserýi kerek, biraq sporttyq sharany qıyndatý úshin jańa talaptar men tapsyrmalar oılastyrylyp jatyr. .
Jeńimpazdardy qymbat syılyqtar kútedi. Jeke jáne komandalyq esepte úzdik úshtikke engen qatysýshylar marapattarǵa ıe bolady.
Bıylǵy jyly jarys altynshy ret ótedi jáne oǵan qatysqysy keletinderdiń sany ár maýsymda artyp keledi. Alǵash ret 300-ge jýyq adam jarysqa qatysqan, bul joly olardyń sany artpaq. Taýǵa tik kóterilý ońaı emes. Sportshynyń ımpýlsi mınýtyna 200 soqqyǵa deıin jetedi, al jarys kezinde qan aınalymy ádettegiden 8 ese joǵary. Sondyqtan júgirýshi bıiktikke shabýyl jasap qana qoımaı, naǵyz erik-jiger emtıhanynan ótedi"- deıdi RB 400 bas sýdıasy Tımýr Artıýhın.
«Suńqar» halyqaralyq shańǵy tramplınderi kesheni 2011 jylǵy Qysqy Azııa oıyndaryna oraı arnaıy salynǵan. 2017 jylǵy Búkilálemdik qysqy ýnıversıada kezinde de bul tramplınder qaıtadan sport dodasyny qanaǵan qazanyna aınaldy. «Suńqardyń» sporttan bólek mádenıetke de sińirgen eńbegi zor. Aty ańyzǵa aınalǵan «Almaty eń alǵashqy mahabbatym» retro-festıvali de «Suńqar» qanatynyń astynda ótti.Keshenniń jalpy aýdany 15137 sharshy metr, ashyq stadıonnyń syıymdylyǵy 5200 kórermen, úlken tramplınderdiń bıiktigi 125 jáne 90 metrdi quraıdy.Tramplın kesheni 2 bólimnen turady.
