اعىمداعى جىلدىڭ 2-4 ماۋسىم ارالىعىندا تاراز قالاسىندا «تاراز – قولونەرشىلەر قالاسى» II حالىقارالىق قولونەرشىلەر كورمەسىن وتكىزۋ جوسپارلانۋدا.
اتالعان ءىس-شارانىڭ ۇيىمداستىرۋشىسى جامبىل وبلىسى اكىمدىگى.
كورمەگە ازيا-تىنىق مۇحيتى، ورتالىق ازيا، ەۋروپا، تاياۋ شەت ەلدەر مەن قازاقستاننىڭ قولونەرشىلەرى قاتىسادى.
شاقىرىلعان قولونەرشىلەردىڭ جالپى سانى - 250.
سونداي-اق، حالىقارالىق قولونەرشىلەر قاۋىمداستىقتارىنىڭ، حالىقارالىق ساراپشىلاردىڭ، تۋريزم سالاسىنداعى مەملەكەتتىك جانە مەملەكەتتىك ەمەس ۇيىمداردىڭ وكىلدەرىنىڭ قاتىسۋى كۇتىلۋدە.
ءىس-شارانىڭ ماقساتى-ءوڭىردىڭ تۋريستىك ءيميدجىن ىلگەرىلەتۋ، وتاندىق قولونەرشىلەردى حالىقارالىق دەڭگەيدە تانىمال ەتۋ، جاقىن جانە الىس شەتەلدەردەن كەلگەن ونەر شەبەرلەرى اراسىندا تاجىريبە الماسۋ.
كورمە اياسىندا:
- كادەسىيلاردى ساتۋ جارمەڭكەسى;
- قولونەرشىلەر بايقاۋى;
- «كونە تاراز» جاس قولونەرشىلەر بايقاۋى;
- كونتسەرتتىك باعدارلاما، تەاترلاندىرىلعان كورىنىس;
- دوڭگەلەك ۇستەل;
- باق ءۇشىن ءباسپاسوز كونفەرەنتسياسى;
- سىرتتان كەلگەن قوناقتاردى ءوڭىرىمىزدىڭ تاريح جانە مادەنيەت نىساندارىمەن تانىستىرۋ ماقساتىندا ەكسكۋرسيالىق تۋرلار ۇيىمداستىرىلاتىن بولادى.
