الەۋمەتتىك جەلىدە ءانۇران اۆتورلارىنان قازاقستاننىڭ تۇڭعىش پرەزيدەنتى نۇرسۇلتان نازارباەۆتى الىپ تاستاۋ كەرەگىن ايتىپ، تالقىلاۋ ءجۇرىپ جاتىر. بۇل جونىندە ساياساتكەر، ەكونوميست، قوعام بەلسەندىسى جانۇزاق اكىم دە ءوز پىكىرىن ءبىلدىردى.
ايتۋىنشا، ءانۇران اۆتورلارىنان نازارباەۆتى الىپ تاستاۋ تالقىلايتىن دۇنيە ەمەس.
ءانۇران 1957 جىلعى جازىلعان ءان. تىڭدى كوتەرىپ، قازاقتىڭ التى وبلىسىندا جەر جىرتۋ باستالىپ، 700-دەن استام قازاقتىڭ مەكتەپتەرى جابىلىپ، سونشاما اۋىلدار كوشىرىلىپ، ولاردىڭ ورنىنا ۋكراينا مەن رەسەيدەن قارا شەكپەندەردىڭ قاپتاپ جاتقان كەزى ەدى. ەل تاۋەلسىزدىگىن ساقتاۋ ءۇشىن ءشامشى قالداياقوۆ ءانىن جازىپ، ونىڭ الدىندا جۇمەكەن ناجىمەدەنوۆ ءسوزىن جازعان بولاتىن. ءان - «مەنىڭ قازاقستانىم» دەپ اتالدى. ول سول كۇيىندە قالۋ كەرەك ەدى.
الايدا، ۇستىنەن ارالاسىپ، ەلدى سىيلاماي، اياققا تاپتاپ، پلاگياتتىق جولمەن قوسىلىپ، اقىنسىماقتارعا جازدىردى. العاشىندا تۇمانبايعا ايتقان، ول جازا المايمىن دەگەن سوڭ قادىرگە ايتقان. ول دا جازا المايمىن دەگەن. ەستۋىمىز شە، بىرەۋگە جازدىرىپ، ەكى-ءۇش ءسوز قوسقان. بۇل سودان شىققان دۇنيە. سوندىقتان ءانۇران اۆتورلارىنان نازارباەۆتى الىپ تاستاۋ تالقىلايتىن نارسە ەمەس. ونى الىپ تاستاۋ كەرەك.
مىنە، وسىدان 65 جىل بۇرىن جازىلعان ءاندى سول كۇيىندە قالدىرۋ كەرەك ەدى. كيلىگىپ، بەسىنشى اربا بولۋ نە كەرەك؟ ونى ەل بىلەدى. ەلگە ماسقارا بولىپ، ەلدى باسقارعان ادامنىڭ ءوزى سونىمەن ماسقارا بولىپ وتىر. سوندىقتان الىپ تاستاعان دۇرىس. ول ەلدىڭ دە ابىرويى. باسقالاردىڭ دا ابىرويى ءۇشىن”،-دەدى ساياساتكەر جانۇزاق اكىم.
