Äleumettık jelıde änūran avtorlarynan Qazaqstannyŋ tūŋǧyş prezidentı Nūrsūltan Nazarbaevty alyp tastau keregın aityp, talqylau jürıp jatyr. Būl jönınde saiasatker, ekonomist, qoǧam belsendısı Janūzaq Äkım de öz pıkırın bıldırdı.
Aituynşa, änūran avtorlarynan Nazarbaevty alyp tastau talqylaityn dünie emes.
Änūran 1957 jylǧy jazylǧan än. Tyŋdy köterıp, qazaqtyŋ alty oblysynda jer jyrtu bastalyp, 700-den astam qazaqtyŋ mektepterı jabylyp, sonşama auyldar köşırılıp, olardyŋ ornyna Ukraina men Reseiden qara şekpenderdıŋ qaptap jatqan kezı edı. El Täuelsızdıgın saqtau üşın Şämşı Qaldaiaqov änın jazyp, onyŋ aldynda Jūmeken Näjımedenov sözın jazǧan bolatyn. Än - «Menıŋ Qazaqstanym» dep ataldy. Ol sol küiınde qalu kerek edı.
Alaida, üstınen aralasyp, eldı syilamai, aiaqqa taptap, plagiattyq jolmen qosylyp, aqynsymaqtarǧa jazdyrdy. Alǧaşynda Tūmanbaiǧa aitqan, ol jaza almaimyn degen soŋ Qadyrge aitqan. Ol da jaza almaimyn degen. Estuımız şe, bıreuge jazdyryp, ekı-üş söz qosqan. Būl sodan şyqqan dünie. Sondyqtan änūran avtorlarynan Nazarbaevty alyp tastau talqylaityn närse emes. Ony alyp tastau kerek.
Mıne, osydan 65 jyl būryn jazylǧan ändı sol küiınde qaldyru kerek edı. Kilıgıp, besınşı arba bolu ne kerek? Ony el bıledı. Elge masqara bolyp, eldı basqarǧan adamnyŋ özı sonymen masqara bolyp otyr. Sondyqtan alyp tastaǧan dūrys. Ol eldıŋ de abyroiy. Basqalardyŋ da abyroiy üşın”,-dedı saiasatker Janūzaq Äkım.
