پرەزيدەنت قاسىم-جومارت توقاەۆ جوعارعى سوت توراعاسى اسلامبەك مەرعاليەۆتى قابىلدادى، - دەپ حابارلايدى "ادىرنا" ءتىلشىسى اقوردانىڭ ءباسپاسوز قىزمەتىنە سىلتەپ.
مەملەكەت باسشىسىنا ەلىمىزدەگى سوت جۇيەسىن جاڭعىرتۋ جۇمىسىنىڭ بارىسى تانىستىرىلدى.
جوعارعى سوت توراعاسى سوت پەن سۋديالاردىڭ تاۋەلسىزدىگىن قامتاماسىز ەتۋ، سۋديالار كورپۋسىن بىلىكتى زاڭگەرلەرمەن نىعايتۋ، سونداي-اق سوت ۇدەرىسىندە ازاماتتار مەن بيزنەسكە بەرىلەتىن كەپىلدىكتى كۇشەيتۋ مىندەتتەرىنىڭ ورىندالۋى جونىندە ايتتى.
سونىمەن قاتار، پرەزيدەنتكە سوت قىزمەتىن اناليتيكالىق تۇرعىدا كۇشەيتۋ، وبلىستىق سوت توراعالارىنىڭ جاۋاپكەرشىلىگىن ارتتىرۋ ءۇشىن قابىلدانىپ جاتقان شارالار جونىندە مالىمەت بەرىلدى.
قاسىم-جومارت توقاەۆ سوت جۇيەسىندەگى رەفورمالاردى ساپالى جۇزەگە اسىرۋ جانە قوعامنىڭ سوتتارعا دەگەن سەنىمىن ارتتىرۋ، سونداي-اق ازاماتتاردىڭ قۇقىعىن قورعاۋدى كۇشەيتۋ جۇمىستارىن جالعاستىرۋ ماڭىزدى ەكەنىنە نازار اۋداردى.
ۇقساس جاڭالىقتار
