باس پروكۋرور ورىنباسارى ەۋروپاداعى ۆيللاسىن قالاي ساتىپ العانىن ايتتى

2237
Adyrna.kz Telegram
https://adyrna.kz/content/uploads/2023/06/izobrazhenie_2023-06-07_204708205.png
باس پروكۋروردىڭ ورىنباسارى ۇلان بايجانوۆ فرانتسيادا ۆيللاسى بار دەگەن اقپاراتقا قاتىستى ساۋالعا جاۋاپ بەردى، دەپ جازادى "ادىرنا". بۇل تۋرالى ول بۇگىن، 7 ماۋسىم كۇنى ءماجىلىس وتىرىسىنان كەيىنگى تىلشىلەرگە بەرگەن جاۋابىندا ايتتى.  الەۋمەتتىك جەلىلەردە فرانتسيانىڭ چەن-سيۋر-لەمان كوممۋناسىنداعى جەنەۆا كولىنىڭ جاعاسىندا ۇلان بايجانوۆتىڭ ۆيللاسى بار دەگەن اقپارات تاراعان بولاتىن. بايجانوۆ مەملەكەتتىك قىزمەتكە كەلگەنگە دەيىن بيزنەسمەن بولعانىن ايتتى. "نەسيەگە 20 جىلعا الىنعان بولاتىن. قازىر 13 جىلىن تولەپ بولدىق. ەندى الدىعى 7 جىلدان كەيىن جەكەمەنشىككە وتەدى" دەپ جاۋاپ بەردى بايجانوۆ. سونداي-اق، ءجۋرناليستىڭ ەۋروپاداعى ۆيللانىڭ وعان نە ءۇشىن قاجەت ەكەندىگىن سۇراعانىنا، "ول جەكە دەرەكتەر، ولار قۇپيا قالۋى ءتيىس" دەپ قىسقا قايىرىپ جاۋاپ بەردى. ەسكە سالا كەتەيىك، ۇلان ساپارۇلى بايجانوۆ 2022 جىلدىڭ 24 اقپانىندا مەملەكەت باسشىسىنىڭ وكىمىمەن  قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنا تاعايىندالعان بولاتىن.  
پىكىرلەر