استانا قالاسى پوليتسيا دەپارتامەنتىنىڭ جپق روتاسىنىڭ كومانديرى پارا بەرۋگە جاردەمدەستى دەگەن كۇدىككە ءىلىندى. بۇل تۋرالى سىبايلاس جەمقورلىققا قارسى قىزمەت مالىمدەدى، دەپ حابارلايدى ”ادىرنا” ۇلتتىق پورتالى.
قازىرگى تاڭدا استانا قالاسى بويىنشا سىبايلاس جەمقورلىققا قارسى قىزمەت استانا قالاسى پوليتسيا دەپارتامەنتىنىڭ جول-پاترۋلدىك قىزمەتى روتاسىنىڭ كومانديرىنە قاتىستى سوتقا دەيىنگى تەرگەۋ جۇرگىزۋدە.
لاۋازىمدى ادام ازاماتتىق ءىس بويىنشا وڭ شەشىم قابىلداعانى ءۇشىن پروكۋراتۋرا جانىنداعى ماتەريالدىق-تەحنيكالىق قامتاماسىز ەتۋ باسقارماسىنىڭ بۇرىنعى قىزمەتكەرى «ج» ازاماتى ارقىلى سوت جۇيەسىنىڭ قىزمەتكەرلەرىنە ءىرى مولشەردە پارا بەرۋگە جاردەمدەستى دەپ كۇدىكتەنەدى.«ج» ازاماتى پروكۋراتۋرادا اكىمشىلىك لاۋازىمدى اتقارا وتىرىپ، جەدەل قىزمەتكەر بولماعان. قىلمىس جاساۋ كەزىندە جۇمىسسىز بولعان، – دەلىنگەن ۆەدومستۆو حابارلاماسىندا.
ايتا كەتەيىك، 8 ماۋسىمدا تەرگەۋ سوتىنىڭ سانكتسياسىمەن اتالعان ادامدار قاماۋعا الىندى. سوتقا دەيىنگى تەرگەپ-تەكسەرۋ جالعاسۋدا.
