ۇلتتىق قاۋىپسىزدىك كوميتەتى قىلمىستىق توپتىڭ 72 مۇشەسىن ۇستادى. بۇل تۋرالى باسقارمانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«كوميتەت پوليتسيا ورگاندارىمەن بىرلەسە جانە باس پروكۋراتۋرانىڭ ۇيلەستىرۋىمەن ءبىر مەزگىلدە جەتىسۋ، جامبىل جانە تۇركىستان وبلىستارىندا ارنايى وپەراتسيا جۇرگىزدى. ناتيجەسىندە قارۋ مەن ەسىرتكىنى زاڭسىز ساقتاۋعا، بوپسالاۋعا، زاڭسىز كوشى-قون ارنالارىن ۇيىمداستىرۋعا جانە وزگە دە اۋىر قىلمىستار جاساۋعا كۇدىكتى توپتاردىڭ 72 مۇشەسى تەرگەۋ امالدارىن جۇرگىزۋ ءۇشىن جەتكىزىلدى»،—دەلىنگەن حابارلامادا.توپتار ءوز ارەكەتتەرىن قىتايمەن («قورعاس» حشىو), وزبەكستانمەن («جىبەك جولى» وتكىزۋ پۋنكتى) جانە قىرعىزستانمەن («قورداي اۆتوموبيلدىك» وتكىزۋ پۋنكتى) شەكارالاس ۋچاسكەلەردە جۇزەگە اسىرعان. ءتىنتۋ بارىسىندا اتىس قارۋى وق-دارىلەرىمەن، ءىرى اقشا قاراجاتتارى، ەسىرتكى، سونداي-اق وزگە دە زاتتاي دالەلدەمەلەر تاركىلەندى.
ۇقساس جاڭالىقتار
