قازىرگى تاڭدا ەلىمىزدە مۇمكىندىگى شەكتەۋلى ازاماتتاردىڭ ساناتىنا جاتاتىن 700 مىڭنان استام ادام بار. ساياسي بەتبۇرىستارعا باعىت العان ەلىمىز الەۋمەتتىك تۇرعىدا از قامتىلعان جانە ەرەكشە قاجەتتىلىگى بار ازاماتتارعا قولداۋ كورسەتۋدە ەرەكشە بەرسەندىلىك تانىتىپ وتىر. مۇمكىندىگى شەكتەۋشى جانداردى قولداۋ مەملەكەت ساياساتىنداعى نەگىزگى باسىم باعىتتارىنىڭ بىرىنە اينالدى.
ەل پرەزيدەنتى قاسىم-جومارت توقاەۆ ەرەكشە قاجەتتىلىگى بار ازاماتتاردى قولداۋ باعىتىنداعى جۇمىستاردى ءوز نازارىندا ۇستاپ، بۇل ماسەلەگە ايرىقشا ءمان بەرىپ كەلەدى. سەبەبى، مۇمكىندىگى شەكتەۋلى ازاماتتار ءۇشىن كەدەرگىسىز قوعام قالىپتاستىرۋ – مەملەكەتتىڭ الدىنا قويعان باستى مىندەتتەردىڭ ءبىرى.
جۋرناليست، سەنات دەپۋتاتى بيبىگۇل جەكسەنبايدىڭ اتۋىنشا، وسى جىلدىڭ قىركۇيەك ايىنان باستاپ ەرەكشە قاجەتتىلىگى بار ازاماتتارعا بەرىلەتىن جاردەماقىنىڭ مولشەرى 14,5%-عا ارتادى. سونىمەن قاتار، مۇمكىندىگى شەكتەۋلى ازاماتتاردى جان-جاقتى قولداۋ ماقساتىندا رەسپۋبليكالىق دەڭگەيدەگى ۇلكەن ءىس-شارالار ۇيىمداستىرىلىپ كەلەدى.
وسى ءىس-شارالاردىڭ جالعاسى رەتىندە جاقسىلىق ۇشكەمپىروۆ اتىنداعى جەكپە-جەك سارايىندا ءۇش كۇن بويىنا بوچچادان قازاقستان رەسپۋبليكاسى چەمپيوناتى وتكەن بولاتىن. شاراعا ەلىمىزدىڭ 15 وڭىرىنەن كوماندالار مەن ولاردىڭ جاتتىقتىرۋشىلارى كەلدى. بيىلعى جىلى بوچچا سپورتىنا دەگەن قىزىعۋشىلىقتىڭ ارتقانىن كوماندالار سانىنىڭ اناعۇرلىم كوبەيگەنىنەن بايقاۋعا بولادى.
سونىمەن قاتار، بيبىگۇل جەكسەنباي مۇنداي شارالاردىڭ قوعامدىق ماڭىزدىلىعىن دا ەرەكشە اتاپ وتەدى:
وسىنداي ءىس-شارالار ولاردىڭ قوعامدىق ورتاعا بەيىمدەلۋىنە جانە قارىم-قاتىناس جاساۋ قابىلەتىن جەتىلدىرۋگە ىقپال ەتەرى انىق. سول سەبەپتى، مۇنداي شارالارعا مەملەكەت دەڭگەيىندە قولداۋ ءبىلدىرۋدىڭ ماڭىزى ەرەكشە. اتالعان باستامالار “سالاماتتى قازاقستان” جوباسى اياسىندا جۇزەگە اسىرىلىپ جاتىر. سەنات ءوز كەزەگىندە وسىنداي يگى ءىس-شارالارعا مۇرىندىق بولىپ، زاڭدىق تۇرعىدا قولداۋ بىلدىرۋگە دايىن، - دەيدى اۆتور.
راسىندا، قوعامداعى ماقسات-مۇددەسى كەز كەلگەن ەرەكشەلىگىنە قاراماي ءبىرتۇتاس كۇشكە اينالعان مەملەكەت قانا بيىك بەلەستەردى ەڭسەرەدى. قۋاتتى بولامىز دەسەك، بارلىق ادامنىڭ قوعامعا قىزمەت ەتۋىنە، دامۋىنا جاعداي جاسالۋى كەرەك. اسىرەسە، مۇمكىندىگى شەكتەۋلى جاندار قوعامدىق قۇرىلىم سەبەبىمەن مۇدىرمەۋى ءتيىس.
داستان قاستاي
