ۇلتتىق ستاتيستيكا بيۋروسىنىڭ مالىمەتى بويىنشا، 2022 جىلى قازاقستاندا مۇگەدەكتىگى بار ادامداردىڭ سانى 700 مىڭنان اسقان. ولاردىڭ 59%-ى جۇمىس ىستەيتىن ادامدار بولسا، ال 15%-ى بالالار ەكەن. ارينە، ءبىرى تۋا ءبىتتى كەمتار اتانسا، ەندى ءبىرى تاعدىردىڭ تالكەگىن باستان كەشىرەدى. دەگەنمەن، وسىنداي ورتاداعى ادامدارعا قامقورلىق كورسەتۋ - قوعامنىڭ پارىزى.
مۇمكىندىگى شەكتەۋلى جاندارعا قوعامدا قانداي كومەك كورسەتىلۋدە؟ بۇل جونىندە “شىراق» مۇگەدەكتىگى بار ايەلدەر اسسوتسياتسياسى” قوعامدىق بىرلەستىگىنىڭ قىزمەتكەرى، موتيۆاتور اينۇر سىرلىباەۆامەن سۇحباتتاستىق.
- اينۇر حانىم، قازىرگى تاڭدا مۇمكىندىگى شەكتەۋلى جاندارعا ارنالعان بىرنەشە جوبا ىسكە اسىپ جاتىر. سولاردىڭ ءبىرى - “تاۋەلسىز ءومىر مەكتەبى” جوباسى. وسى جوبانىڭ باسى-قاسىندا ءوزىڭىز ءجۇرسىز. جوبا تۋرالى ايتىپ بەرسەڭىز. قاشاننان باستاپ ىسكە اسۋدا؟
جوبانىڭ نەگىزگى ماقساتى - مۇگەدەكتىگى بار كەز كەلگەن جوباعا قاتىسۋشىلارعا ىشكى كەدەرگىلەرى مەن قورقىنىشتارىن جەڭۋگە كومەكتەسۋ. سونىمەن قاتار، وقۋ اياسىندا تاۋەلسىز ءومىر ءسۇرۋ تاجىريبەسىن الۋعا مۇمكىندىك بەرىلەدى.
العاش 2020 جىلدىڭ قازان ايىنىڭ 23-30 كۇندەرى ارالىعىندا بىرلەستىك الماتى قالاسىندا تۇراتىن 18-40 جاس ارالىعىنداعى مۇگەدەكتىگى بار جاندار اراسىندا وسى، “تاۋەلسىز ءومىر مەكتەبى” جوباسىن ۇيىمداستىردى. سول جوبا ارقىلى ءبىرشاما ادامعا موتيۆاتسيا بەرىپ، ومىرلەرىنە باعىت كورسەتە الدىق.
- مۇمكىندىگى بار جانداردىڭ قوعامعا ارالاسۋىنا قانداي كومەك كورسەتىسىزدەر؟ جوبا اياسىندا قانداي ءىس-شارالار ۇيىمداستىرىلادى؟
جوبا اياسىندا قاتىسۋشىلار تاجىريبەلى جانە كرەاتيۆتى جاتتىقتىرۋشىلارمەن بىرگە قىزىقتى كۇندەرىن وتكىزەدى. ولار تاۋ بوكتەرىنە بارىپ، 7 كۇن بويى ەڭ مىقتى ترەنەرلەرمەن جۇمىس ىستەيدى.
ترەنينگ بارىسىندا بىرنەشە تاقىرىپتار تالقىلانادى. ولار:
مىنە، وسى اۋقىمدى، قوعامدا ماڭىزعا يە تاقىرىپتاردى قامتىپ، مۇگەدەكتىگى بار جاندارعا پايدامىزدى تيگىزۋگە ات سالىسامىز. وسىنداي جوبا ارقىلى قاتىسۋشىلار قوعامعا دەگەن كوزقاراستارىن وزگەرتە الادى. وزدەرىنىڭ مۇمكىندىكتەرىن انىقتاپ، باعىتىن ءبىلىپ، سوعان قاراي جۇمىس ىستەۋگە شابىت الادى.
- جوباعا قاتىسۋشىلار كوپ پە؟ قانشا جاستان باستاپ قاتىسا الادى؟
جوباعا كەز كەلگەن تىلدەگى ازامات پەن ازاماتشالار قاتىسا الادى. سەبەبى، جوبامىز ەكى تىلدە دە جۇرگىزىلەدى. قازىگى تاڭدا جوباعا قاتىسۋشىلار كوبەيىپ جاتىر. بارلىعى ىنتالى، ومىرگە دەگەن قۇلشىنىستارى جوعارى.
- سىزدەردىڭ جوبالارىىزعا قاتىسقىسى كەلگەن ادام قالاي بايلانىسسا بولادى؟ الدىمەن، نە ىستەۋ كەرەك؟
- ءبىزدىڭ جوباعا قاتىسقىسى كەلەتىن كەز كەلگەن ادام كەڭسەگە كەلسە نەمەسە بىردەن تەلەفون سوقسا بولادى. جوبا ۇيىمداستىرۋشىلارىمىز +7(701)-344-39-01 جانە +7(701)-540-44-55 نومىرلەرىنە بايلانىسقا شىقسا بولادى. ءاردايىم كومەك بەرۋگە دايىنبىز!
- مۇگەدەكتىگى بار جانداردىڭ كوبىسى ۇيىنەن شىقپايدى. كوپتىڭ الدىنان شىعۋعا ۇيالىپ جاتادى. ءتىپتى، ومىردەن ءتۇڭىلىپ، ەشقانداي مۇمكىندىگىم جوق دەپ ويلايتىندار دا بار. سولارعا قانداي كەڭەس بەرەسىز؟
“ادىرنا” ۇلتتىق پورتالى
