«سەمەي ورمانى» رەزەرۆاتىنىڭ قاجەتتى جابدىقتارىنا 8 جىلدىڭ ىشىندە 5.3 ميللياردتان استام تەڭگە بولىنگەن، دەپ حابارلايدى “ادىرنا” ءتىلشىسى داۋلەت مۇقاەۆتىڭ پاراقشاسىنا سىلتەمە جاساي وتىرىپ.
دەپۋتات داۋلەت مۇقاەۆ جەكە پاراقشاسىنا «سەمەي ورمانىنا» بولىنگەن قارجىنى جاريالادى.
«بيۋدجەتتىڭ 5.3 ميللياردى. بىراق… نە دۇرىس تەحنيكا، نە قۇرىلعى. ءتىپتى، ورمانشىلاردىڭ راتسيالارىندا باتارەيكا بولماعان. ارنايى اياق-كيىمدەرى دە جوق.» دەپ جازبا قالدىرعان.
الەۋمەتتىك جەلىدە ورتتەن قازا تاپقانداردىڭ وتباسى ماردىمدى كولىك پەن تەحنيكانىڭ جوقتىعىن اشىنا ايتىپ، پرەزيدەنتپەن جۇزدەسكەن ەدى. بيۋدجەتتەن 5.331.792.015 تەڭگە بولىنسە دە توسىننان كەلگەن اپاتقا توتەنشە جاعدايلار مينيسترلىگى دايىن بولماي شىقتى.
قازىر ورتتەن كوز جۇمعاندار سانى - 14. ال ءبىر ادام ءالى ىزدەستىرىلۋدە.
ۇقساس جاڭالىقتار
