بيىل جەتىسۋ وڭىرىندە وبلىستىق ماڭىزى بار 221 شاقىرىم جولدىڭ جانە 73 ەلدى مەكەندە 247 شاقىرىم اۋىلىشىلىك جولداردىڭ قۇرىلىسى مەن جوندەۋىنە 33 ملرد. تەڭگە ءبولىندى. بۇل تۋرالى بۇگىن ورتالىق كوممۋنيكاتسيالار قىزمەتىنىڭ ۇيىمداستىرۋىمەن وتكەن بريفينگ بارىسىندا جەتىسۋ وبلىسىنىڭ اكىمى بەيبىت يساباەۆ ايتتى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
- ەكونوميكانى دامىتۋ مەن حالىقتىڭ ءومىر ءسۇرۋ ساپاسىن جاقسارتۋداعى ماڭىزدى سالالاردىڭ ءبىرى - جول ينفراقۇرىلىمى. 2022 جىلى وڭىردە وبلىستىق ماڭىزى بار 198 كم جول، 63 ەلدى مەكەندە 190 كم اۋىلىشىلىك جول 24,2 ملرد. تەڭگەگە جوندەلىپ، سالىندى. قازىر جاقسى جانە قاناعاتتانارلىق جاعدايداعى جولداردىڭ ۇلەسى - 91%. بيىل وبلىستىق ماڭىزى بار 221 شاقىرىم جولدىڭ جانە 73 ەلدى مەكەندە 247 شاقىرىم اۋىلىشىلىك جولداردىڭ قۇرىلىسى مەن جوندەۋىنە 33 ملرد. تەڭگە ءبولىندى. سونىمەن بىرگە مەملەكەت باسشىسىنىڭ تاپسىرماسىن ورىنداۋ اياسىندا 15 اپاتتى كوپىرگە جوندەۋ جۇرگىزۋ جوسپارلانعان، وسى جىلى جەرگىلىكتى بيۋدجەتتەن سونىڭ 5-ەۋىن جوندەۋگە 928 ملن.تەڭگە ءبولىنىپ وتىر، - دەدى ب.يساباەۆ.
جەتىسۋ وبلىسى اكىمىنىڭ ءباسپاسوز قىزمەتى.
جەتىسۋ وبلىسى اكىمىنىڭ ءباسپاسوز قىزمەتى.
