ماڭعىستاۋدا بەسىنشى تاۋلىك قاتارىنان جانىپ جاتقان ءورتتى جويۋ ماسەلەسى تالقىلاندى، - دەپ حابارلايدى "ادىرنا" تىلشىسى.
13 ماۋسىمدا ماڭعىستاۋ وبلىسىنىڭ اكىمى بوزاشى تۇبەگىنىڭ سولتۇستىك-باتىس بولىگىندەگى وڭتۇستىك قاراتۇرىن مۇناي-گاز كەن ورنىنداعى بۇرعىلاۋ كەزىندە شىققان ورتكە بايلانىستى شۇعىل كەڭەس وتكىزدى. كەڭەسكە ەنەرگەتيكا ۆيتسە-ءمينيسترى اسحات حاسەنوۆ، "قازمۇنايگاز" اق، "وزەنمۇنايگاز" اق باسشىلىعىنىڭ جانە وسى كومپانيانىڭ باسقا دا بولىمشەلەرى مەن مەردىگەرلەرىنىڭ وكىلدەرى قاتىسقان.
ولار ءورتتى جويۋ شارالارىن ۇسىندى. "بوزاشى مۇناي" جشس باس گەولوگى الەكساندر كاسيانەنكو ۇڭعىمانىڭ شۇڭقىرىن اۋىر بۇرعىلاۋ ەرىتىندىسىمەن تولتىرۋدى نەمەسە ۇڭعىماعا قوسىمشا بۇيىرلىك بۇرعىلاۋدى ۇسىندى. كەيبىر قاتىسۋشىلار گاز قىسىمىنىڭ تومەندەۋىنە بايلانىستى ءورت وزدىگىنەن جويىلۋى مۇمكىن دەگەن بولجام جاسادى.
"بىزدە گاز قىسىمى وزدىگىنەن تومەندەپ، ءورتتىڭ ءوزى باسىلعانشا كۇتۋگە ۋاقىت جوق. ءورتتى ءسوندىرۋ الگوريتمى شۇعىل تۇردە جاسالۋى كەرەك. بارلىق جاۋاپتى تۇلعالار قوسىلۋى قاجەت. قارجىلاندىرۋدىڭ تالاپ ەتىلەتىن كولەمى مەن ماتەريالدىق-تەحنيكالىق بازا – مۇنىڭ ءبارى الگوريتمدە كورسەتىلۋى ءتيىس", - دەدى سالا ارداگەرى بالتابەك قۋاندىقوۆ.وبلىس اكىمى ۇڭعىماعا تۇسەتىن گازدىڭ كولەمى مەن قىسىمىن انىقتاپ، كەن ورنىنداعى ءورتتى جويۋ بويىنشا جەدەل ءىس-شارالار جوسپارىن ازىرلەۋ قاجەت ەكەنىن اتاپ ءوتتى. ساراپشىلاردىڭ الدىن الا بولجامى بويىنشا، تەحنوگەندىك اپاتتىڭ ىقتيمال سەبەبى ۇڭعىمانى بۇرعىلاۋ بويىنشا قۇرىلىس جۇمىستارى كەزىندە ۇڭعىما ساعاسىنداعى جارىلۋدىڭ الدىن الۋ قوندىرعىسىنىڭ قىسىمىنىڭ تومەندەۋى بولىپ تابىلادى.
ۇقساس جاڭالىقتار
