الماتىدا شەتەلدىك قىزدى يتەرىپ جىبەرگەن پوليتسيا قىزمەتكەرى جۇمىستان قۋىلدى، - دەپ حابارلايدى "ادىرنا" تىلشىسى.
اقپاراتتى الماتى پوليتسيا دەپارتامەنتى راستادى.
"الماتى پوليتسيا دەپارتامەنتىنىڭ تارتىپتىك كوميسسياسىنىڭ شەشىمىمەن پوليتسيا قىزمەتكەرى ىشكى ىستەر ورگاندارىنان بوساتىلدى. ول وسى سالادا از ۋاقىت عانا جۇمىس ىستەدى", - دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتى.وقيعا ۆيدەوسى الەۋمەتتىك جەلىلەردە تاراپ، قولدانۋشىلار اراسىندا قىزۋ پىكىرتالاس تۋدىرعان ەدى. ۆيدەودا پوليتسەي كولىگىنىڭ ەسىگىن قالاي جاپپاق بولعانى، بىراق بىرنەشە قىزدار وعان رۇقسات بەرمەي جاتقانى كورىنەدى. وسىدان كەيىن ەر ادام ولاردىڭ ءبىرىن يتەرىپ جىبەردى. ونىڭ بۇل ارەكەتىنە اشۋلانعان شەتەلدىك قىزدار كەيىن ادۆوكات تالاپ ەتكەن. بۇل دەرەك بويىنشا قىزمەتتىك تەكسەرۋ باستالعان. كەيىن وقيعانىڭ كۋاگەرى شەتەلدىكپەن بولعان وقيعانىڭ ءمان-جايىن ايتىپ بەردى.
ۇقساس جاڭالىقتار
