جىل باسىنان بەرى قالادا كاسىپكەرلەردى قولداۋ ماقساتىندا «ىسكەر قالا» باعدارلاماسى اياسىندا 153 جوباعا 412 ملن. تەڭگەنىڭ قولداۋى كورسەتىلدى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە شىمكەنت اكىمى مۇرات ايتەنوۆ باياندادى.
باعدارلامادا جاستار مەن ايەلدەر كاسىپكەرلىگىن دامىتۋ ماقساتىندا 1 پايىزدىق مولشەرمەن 10 ملن. تەڭگەگە دەيىن نەسيەلەندىرۋ، وندىرىسكە باعىتتالعان 2 پايىزدىق مولشەرمەن 50 ملن. تەڭگەگە دەيىن نەسيە بەرۋ قاراستىرىلعان.
سونداي-اق جەرگىلىكتى بيۋدجەتتەن شاعىن كاسىپورىنداردىڭ ونەركاسىپتىك پاركتەردەگى ءۇش جىلدىق جالداۋ اقىسىنىڭ شىعىندارىن 25-75% دەيىن وتەۋ تەتىگى دە قامتىلعان.
«بيزنەسكە ارنالعان ۇكىمەت – Shymkent Invest» بىرىڭعاي ورتالىعىندا 33 مىڭعا جۋىق كاسىپكەرگە بيزنەس-جوسپاردى ازىرلەۋدەن باستاپ، جوبانى پايدالانۋعا بەرۋگە دەيىنگى قۇجاتتارعا قولداۋ كورسەتىلۋدە. وسى باعىتتاعى جۇمىستاردىڭ ناتيجەسىندە، بۇگىنگە قالادا بەلسەندى كاسىپكەرلىك نىساندار سانى 124 مىڭنان اسىپ، وتكەن جىلمەن سالىستىرعاندا 52 پايىزعا ارتتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز