Şymkentte «Isker qala» baǧdarlamasy aiasynda 153 joba qoldau tapty

Jyl basynan berı qalada käsıpkerlerdı qoldau maqsatynda «Isker qala» baǧdarlamasy aiasynda 153 jobaǧa 412 mln. teŋgenıŋ qoldauy körsetıldı. Būl turaly bügın ortalyq kommunikasiialar qyzmetınde ötken brifingte Şymkent äkımı Mūrat Äitenov baiandady. Baǧdarlamada jastar men äielder käsıpkerlıgın damytu maqsatynda 1 paiyzdyq mölşermen 10 mln. teŋgege deiın nesielendıru, öndırıske baǧyttalǧan 2 paiyzdyq mölşermen 50 mln. teŋgege deiın nesie beru qarastyrylǧan. Sondai-aq jergılıktı biudjetten şaǧyn käsıporyndardyŋ önerkäsıptık parkterdegı üş jyldyq jaldau aqysynyŋ şyǧyndaryn 25-75% deiın öteu tetıgı de qamtylǧan. «Bizneske arnalǧan ükımet – Shymkent Invest» bıryŋǧai ortalyǧynda 33 myŋǧa juyq käsıpkerge biznes-jospardy äzırleuden bastap, jobany paidalanuǧa beruge deiıngı qūjattarǧa qoldau körsetılude. Osy baǧyttaǧy jūmystardyŋ nätijesınde, bügınge qalada belsendı käsıpkerlık nysandar sany 124 myŋnan asyp, ötken jylmen salystyrǧanda 52 paiyzǧa artty.