جىل باستالعالى اسكەردە 7 سۋيتسيد جاساۋ فاكتىسى تىركەلگەن. بۇل تۋرالى قورعانىس ۆيتسە-ءمينيسترى سۇلتان قامالەتدينوۆ مالىمدەدى، دەپ حابارلايدى «ادىرنا» ۇلتتىق پورتالى.
بيىل كەلىسىمشارت بويىنشا جۇمىس ىستەگەن 7 اسكەري قىزمەتكەر ءوز-وزىنە قول سالدى. وكىنىشكە قاراي، ودان بولەك 2 كۋرسانت سۋيتسيد جاسادى. ولار اسكەري ينستيتۋتتا قۇرلىق اسكەرلەرى مەن راديوەلەكترونيكا جانە بايلانىس ماماندىعىندا وقىدى. بىرەۋى دەمالىستا جۇرگەندە مەرت بولدى، سەبەپ - ماحاببات. ال ەكىنشىسى اتا-اناسىمەن تۇسىنىسپەۋشىلىكتەن سۋيتسيد جاساعان. بىرەۋى بەسىنشى كۋرستا، ەكىنشىسى ءبىرىنشى كۋرستا وقىپ جاتتى، - دەدى سۇلتان قامالەتدينوۆ ءماجىلىس كۋلۋارىندا.سونداي-اق، ۆيتسە-مينيستر اسكەردەگى ساربازداردىڭ ءوز-وزىنە قول سالۋىنا كىم جاۋاپتى ەكەنىن ايتتى.
ءار سۋيتسيدتىك جاعدايدى بولەك قاراۋ كەرەك. وتباسىلىق-تۇرمىستىق، قارجىلىق پروبلەمالاردىڭ سالدارىنان جاسالعان سۋيتسيد نەگىزىنەن كەلىسىمشارت بويىنشا اسكەري قىزمەتشىلەر مەن وفيتسەرلەر اراسىندا بولادى. بۇل جەردە كومانديرلەردىڭ كىناسى جوق. ال اسكەري مىندەتىن وتەۋشى ساربازدار ءۇشىن كومانديرلەر تولىق جاۋاپتى، - دەيدى ءمينيستردىڭ ورىنباسارى.ايتا كەتەيىك، قازاقستان ارمياسىندا 4 جىل ىشىندە 90-عا جۋىق سۋيتسيد جاسالعان.
