باس پروكۋراتۋرا Forbes تىزىمىنە ەنگەن كاسىپكەردىڭ الماتى وبلىسىنداعى جەرىن تاركىلەگەنىن مالىمدەدى، دەپ حابارلايدى «ادىرنا» ءتىلشىسى.
"مەملەكەت باسشىسى بىرنەشە رەت، ونىڭ ىشىندە 2022 جىلعى 1 قىركۇيەكتەگى جولداۋىندا جەر تەلىمدەرى تانىمال ادامدارعا تيەسىلى بولعاندىقتان، فەرمەرلەرگە اۋىلشارۋاشىلىق جەرلەردىڭ جوعىن اتاپ ءوتىپ، ەگىستىك اۋماقتار مەن جايىلىمداردى پايدالانۋدىڭ تيىمدىلىگىن ارتتىرۋ جونىندە شارالار قابىلداۋعا شاقىردى. الماتى وبلىسىنىڭ پروكۋراتۋراسى ەل باسشىلىعىنىڭ تاپسىرماسىن ورىنداۋ بارىسىندا Forbes تىزىمىنە كىرەتىن كاسىپكەرگە 2017 جىلى ەڭبەكشىقازاق اۋدانىنداعى زاڭسىز بەرىلگەن جەرلەردى تاركىلەدى. 3500 گا بۇل جەر جايىلىمعا ارنالعان جەرلەر تىزىمىنەن الىنىپ تاستالعان”، - دەپ حابارلادى باس پروكۋراتۋرانىڭ ءباسپاسوز قىزمەتى.الەۋمەتتىك جەلىلەردە تاراعان اقپاراتقا سايكەس، "Forbes تىزىمىندەگى كاسىپكەر" وليگارح دەپ قازاقستانداعى ەڭ باي 35-ءشى ادام رەتىندە تانىمال، ءال-اۋقاتى 214 ميلليون دوللارعا باعالانعان ياكوۆ تسحاي بولۋى مۇمكىن. باس پروكۋراتۋرانىڭ حابارلاماسىندا "Forbes تىزىمىندەگى كاسىپكەردىڭ" ەسىمى اتالماعان، بىراق "قازىرگى ۋاقىتتا ءۇشىنشى تۇلعالارعا جەردى قايتا بەرۋ فاكتىلەرىن بولدىرماۋ ماقساتىندا وسى جەرلەردى جەرگىلىكتى تۇرعىندار ءۇشىن قوعامدىق جايىلىمدارعا بەرۋ بويىنشا جۇمىس جۇرگىزىلىپ جاتىر" دەلىنگەن. "2023 جىلدىڭ باسىنان باستاپ جوعارى لاۋازىمدى تۇلعالار مەن ءىرى بيزنەسمەندەرگە تيەسىلى كاداسترلىق قۇنى ت714 ملن بولاتىن 26,8 مىڭ گا جەر مەملەكەتكە قايتارىلدى. بۇل جەرلەر جىلدار بويى ماقساتىنا ساي پايدالانىلمادى، جەمشوپ داقىلدارى وسىرىلمەدى، وسى شارۋاشىلىقتاردىڭ بالانسىندا اۋىلشارۋاشىلىق جانۋارلارى بولمادى. سونىمەن قاتار، باسقا دا ادال فەرمەرلەر ەگىستىك جانە جايىلىمدىق جەرلەرگە وتە مۇقتاج بولدى", - دەپ اتاپ ءوتتى قاداعالاۋ ورگانى.
ۇقساس جاڭالىقتار
