Forbes-ءتىڭ 2026 جىلعى جاھاندىق ميللياردەرلەر رەيتينگىنە العاش رەت داۋلەتى 1 ملرد دوللاردان اسقان قازاقستاندىق كاسىپكەرلەر نۇرلان سماعۇلوۆ پەن ايدىن راحىمباەۆ ەندى، دەپ حابارلايدى "ادىرنا".
Forbes.kz مالىمەتىنشە، نۇرلان سماعۇلوۆتىڭ بايلىعى شامامەن 1,3 ملرد دوللارعا باعالانىپ وتىر. ول الەمدىك ميللياردەرلەر رەيتينگىندە 2858-ورىندا تۇر. ال داۋلەتى 1,1 ملرد دوللارعا باعالانعان ايدىن راحىمباەۆ ءتىزىمنىڭ 3185-ساتىسىنا جايعاستى.
ايتا كەتسەك، نۇرلان سماعۇلوۆ – قازاقستاندا وڭتۇستىك كورەيا جانە قىتاي كولىكتەرىن قۇراستىراتىن جانە ساتاتىن اstana Group پرەزيدەنتى، MEGA ساۋدا-ويىن-ساۋىق ورتالىقتارى جەلىسىنىڭ نەگىزىن قالاۋشى جانە يەسى. جەلىگە الماتىداعى MEGA Alma-Ata مەن MEGA Park, سونداي-اق استاناداعى MEGA Silk Way نىساندارى كىرەدى. بۇل نىسانداردى Mega Center Management كومپانياسى باسقارادى. ال ايدىن راحىمباەۆ – قۇرىلىس سالاسىنداعى كاسىپكەر، قازاقستانداعى ەڭ ءىرى دەۆەلوپەرلىك كومپانيالاردىڭ ءبىرى – BI Group حولدينگىنىڭ نەگىزىن قالاۋشى ءارى باسشىسى.
جاڭا قاتىسۋشىلاردى ەسەپكە العاندا، Forbes جاھاندىق تىزىمىندەگى قازاقستاندىق ميللياردەرلەردىڭ سانى ارتتى. بۇعان دەيىن بۇل تىزىمدە ۆياچەسلاۆ كيم، تيمۋر تۋرلوۆ، ۆلاديمير كيم، تيمۋر جانە دينارا قۇلىباەۆتار، سونداي-اق بولات وتەمۇراتوۆ بولعان ەدى.
جالپى العاندا، Forbes-ءتىڭ 2026 جىلعى الەمدىك رەيتينگىندە بايلىعى 1 ملرد دوللاردان اساتىن 3400-دەن استام ادام بار.
