شىعىس قازاقستان وبلىسىنىڭ بۇرىنعى اكىمى دانيال احمەتوۆ ءوڭىر حالقىمەن قوشتاسىپ، ولارعا العىسىن جاۋدىردى، دەپ حابارلايدى «ادىرنا» ءتىلشىسى.
«بىرنەشە جىل بويى ءبىز شىعىس قازاقستان وبلىسىنىڭ جوسپارلى جانە سەرپىندى الەۋمەتتىك – ەكونوميكالىق دامۋى، تۇرعىنداردىڭ ءومىر ءسۇرۋ ساپاسىن ارتتىرۋ سياقتى ورتاق ماقسات-مۇددەنى كوزدەپ، بىرگە ەتەنە جۇمىس ىستەدىك. سىزدەرمەن جۇمىس ىستەۋ مەن ءۇشىن ۇلكەن مارتەبە بولدى. جانە جۇمىسىندا باستى قاعيداتتاردى ۇستانعان، ياعني ادامداردى ەستۋ، نەگىزگى باعىتتارىن پرەزيدەنتىمىز - قاسىم-جومارت كەمەلۇلى توقاەۆ ايقىنداعان مەملەكەتتىك ساياساتتى ءتيىمدى ىسكە اسىرۋداعى كوماندامنىڭ ءبىر بولىگى بولعاندارىڭىزعا قۋانىشتىمىن. ءبىز كوپ نارسەگە بىرگە قول جەتكىزدىك. سىزدەرمەن جۇمىس ىستەۋ مۇمكىندىگىنە يە بولعانىمدى ماقتان تۇتامىن، ۇنەمى كورسەتكەن باعا جەتپەس ەڭبەكتەرىڭىز بەن كۇش-جىگەرلەرىڭىز ءۇشىن العىس ايتامىن. سىزدەر شىعىس قازاقستان وبلىسى مەن جالپى رەسپۋبليكانىڭ وركەندەۋى ءۇشىن تابىستى جۇمىستى جالعاستىرۋعا ىقپال ەتەتىندەرىڭىزگە سەنىمدىمىن. الداعى ۋاقىتتا دا شىعىس قازاقستان وبلىسىنىڭ تۇرعىندارىنىڭ يگىلىگى ءۇشىن تىڭ جوبالار مەن يدەيالاردى باتىل ىسكە اسىرۋلارىڭىزعا شىن جۇرەكتەن تىلەكتەسپىن!»—دەدى ول.ايتا كەتەيىك، بۇگىن پرەزيدەنت جارلىعىمەن دانيال احمەتوۆ شقو اكىمى لاۋازىمىنان بوساتىلعان ەدى. ول بۇل قىزمەتتى 2014 جىلدان كۇنى بۇگىنگە دەيىن اتقاردى.
