پرەزيدەنت توقاەۆ الداعى ءۇش جىلدا شەكارالىق اۋداردار: كاتونقاراعاي، مارقاكول جانە ماقانشى اۋداندارىنىڭ قالپىنا كەلەتىنىن حابارلادى، دەپ جازادى "ادىرنا" ۇلتتىق پورتالى.
«امانات» پارتياسى بىرقاتار شەكارالاس اۋداندى قالپىنا كەلتىرۋ تۋرالى باستاما كوتەرگەنىن بىلەسىزدەر. ۇكىمەت مەنىڭ تاپسىرماممەن بۇل ماسەلەنى پىسىقتادى. مەن سوعان سايكەس قاتون-قاراعاي، مارقاكول جانە ماقانشى اۋداندارىن قالپىنا كەلتىرۋ تۋرالى نەگىزگى شەشىمدى قابىلدادىم. رينە، بۇعان ارنايى دايىندىق كەرەك. قاجەتتى ەسەپ-قيسابىن جاساپ، قاراجاتىمىزعا، بيۋدجەتتىڭ مۇمكىندىگىنە قاراۋىمىز كەرەك. ءتيىستى جۇمىستىڭ ءبارىن بيىل اياقتاپ، الداعى ەكى جىلدىڭ ىشىندە وسى ءۇش اۋداندى قالپىنا كەلتىرە باستايمىز. بۇل – ۇلتتىق قاۋىپسىزدىكتى قامتاماسىز ەتۋ تۇرعىسىنان قاراساق تا، وتە ماڭىزدى ماسەلە»، - دەدى مەملەكەت باسشىسى.سونىمەن قاتار، مەملەكەت باسشىسى بىلتىرعى پرەزيدەنت سايلاۋىنان كەيىنگى اۋىلدى دامىتۋ تۋرالى جارلىققا قول قويعانىن مالىمدەپ، ۇكىمەتتىڭ الداعى بەس جىلدا اۋىلدى دامىتۋعا كۇش سالاتىنىن قاداپ ايتتى.
"اۋىل – قازاقتىڭ التىن بەسىگى. ەلگە ەڭبەگى سىڭگەن كورنەكتى تۇلعالاردىڭ باسىم كوپشىلىگى اۋىلدان شىققان. ءبىز ەلىمىزدى وركەندەتەمىز دەسەك، اۋىل مەكتەبىنىڭ جاي-كۇيىن جاقسارتۋدى مىقتاپ قولعا الۋىمىز كەرەك. بۇل جۇمىستى «اۋىل – ەل بەسىگى» ارنايى جوباسىنىڭ اياسىندا كەشەندى تۇردە جۇزەگە اسىرۋ قاجەت. ياعني، مەكتەپ سالۋ، كۇردەلى جوندەۋ جۇرگىزۋ جانە ونى جابدىقتاۋ جۇمىسىن ءتيىستى دەڭگەيدە اتقارۋ ماڭىزدى", - دەدى قاسىم-جومارت توقاەۆ.
"ادىرنا" ۇلتتىق پورتالى