يراك مەملەكەتى Telegram قوسىمشاسىن بۇعاتتادى. ەلدىڭ بايلانىس مينيسترلىگى ۇلتتىق قاۋىپسىزدىككە بايلانىستى مۇنداي قادامعا بارعانىن مالىمدەدى، دەپ حابارلايدى "ادىرنا" ۇلتتىق پورتالى.
يراك بيلىگى اتالعان قوسىمشا دەرەكتەردى وڭدەۋ تۇتاستىعىن بۇزاتىنىن، بۇل زاڭعا قايشى ەكەنىن انىقتادى. بۇعان دەيىن يراك باق-ى جەكە دەرەكتەردىڭ ءىرى بازاسى ساقتالعان، ونىڭ ىشىندە ەل تۇرعىندارىنىڭ اتتارى، مەكەنجايلارى مەن تۋىستىق قاتىناستارى بار Telegram ارنالاردىڭ تانىمال ەكەنىن حابارلاعان.
«Telegram-دى بۇعاتتاۋ تۋرالى شەشىم ۇلتتىق قاۋىپسىزدىك جونىندەگى جوعارى ورگانداردىڭ ديرەكتيۆاسىنا سايكەس جانە ازاماتتاردىڭ جەكە دەرەكتەرىن قورعاۋ ماقساتىندا قابىلداندى»، - دەدى مينيسترلىك.سونىمەن قاتار، مينيسترلىك ءتيىستى مەملەكەتتىك مەكەمەلەر بىرنەشە رەت Telegram قوسىمشاسىن باسقاراتىن كومپانياعا حات جولداپ، مەملەكەتتىك مەكەمەلەردىڭ رەسمي مالىمەتتەرى مەن ازاماتتاردىڭ جەكە دەرەكتەرىنىڭ جاريا بولىپ كەتۋىنە اكەلەتىن پلاتفورمالاردى جابۋدا سەرىكتەس بولۋدى ۇسىنعانىن ايتادى. بىراق، كومپانيا بۇل ماسەلەلەردىڭ ەشقايسىسىنا جاۋاپ بەرمەگەن جانە ورىنداماعان. مەسسەندجەر جەكسەنبى كۇنى تۇستە بۇعاتتالىپ، باعداد تۇرعىندارى جاڭا حابارلامالاردى اشا الماعان. بىراق، VPN ارقىلى قوسىلاتىن قولدانۋشىلار قوسىمشانى بۇرىنعىشا پايدالانىپ وتىر.
"ادىرنا" ۇلتتىق پورتالى
ۇقساس جاڭالىقتار
