İrak memleketı Telegram qosymşasyn būǧattady. Eldıŋ bailanys ministrlıgı ūlttyq qauıpsızdıkke bailanysty mūndai qadamǧa barǧanyn mälımdedı, dep habarlaidy "Adyrna" ūlttyq portaly.
İrak bilıgı atalǧan qosymşa derekterdı öŋdeu tūtastyǧyn būzatynyn, būl zaŋǧa qaişy ekenın anyqtady. Būǧan deiın İrak BAQ-y jeke derekterdıŋ ırı bazasy saqtalǧan, onyŋ ışınde el tūrǧyndarynyŋ attary, mekenjailary men tuystyq qatynastary bar Telegram arnalardyŋ tanymal ekenın habarlaǧan.
«Telegram-dy būǧattau turaly şeşım ūlttyq qauıpsızdık jönındegı joǧary organdardyŋ direktivasyna säikes jäne azamattardyŋ jeke derekterın qorǧau maqsatynda qabyldandy», - dedı ministrlık.Sonymen qatar, ministrlık tiıstı memlekettık mekemeler bırneşe ret Telegram qosymşasyn basqaratyn kompaniiaǧa hat joldap, memlekettık mekemelerdıŋ resmi mälımetterı men azamattardyŋ jeke derekterınıŋ jariia bolyp ketuıne äkeletın platformalardy jabuda serıktes boludy ūsynǧanyn aitady. Bıraq, kompaniia būl mäselelerdıŋ eşqaisysyna jauap bermegen jäne oryndamaǧan. Messendjer jeksenbı künı tüste būǧattalyp, Baǧdad tūrǧyndary jaŋa habarlamalardy aşa almaǧan. Bıraq, VPN arqyly qosylatyn qoldanuşylar qosymşany būrynǧyşa paidalanyp otyr.
"Adyrna" ūlttyq portaly
Ūqsas jaŋalyqtar
