Durovtyŋ aǧasy üilendı. Qalyŋdyǧy – qytaitanuşy

362
Adyrna.kz Telegram
https://www.adyrna.kz/storage/uploads/fLy1RN6KCGIKvmDESBMX5dDyRyO97ftVKSwN8P3A.jpg

Foto: https://t.me/bazabazon

Telegram messendjerın jasauşylardyŋ bırı Nikolai Durov alǧaş ret otbasyn qūrdy. Onyŋ taŋdauy Qytai jäne halyqaralyq geosaiasat salasynda mamandanǧan Aleksandra esımdı äielge tüsken. Sondai-aq erlı-zaiyptylardyŋ ūl balasy düniege kelgen. Būl turaly «Baza» basylymy jazdy, dep habarlaidy “Adyrna”.

Basylym deregınşe, 45 jastaǧy Nikolai Durov 34 jastaǧy, Cheliabı qalasynyŋ tumasy Aleksandramen nekesın Dubaidaǧy Reseidıŋ bas konsuldyǧynda resmi tırkegen.

Aleksandranyŋ bılımı filologiia salasymen bailanysty. Ol Qytai jäne halyqaralyq qatynastardy zertteidı, qytai jäne aǧylşyn tılderın meŋgergen. Qazırgı uaqytta fransuz jäne ispan tılderın de üirenıp jür. Būǧan deiın Reseidıŋ Şanhaidaǧy bas konsulynyŋ kömekşısı ärı audarmaşysy qyzmetın atqarǧan.

Sonymen qatar Aleksandra student kezınde halyqaralyq ǧylymi ortada belsendı bolǧan. Cheliabı memlekettık universitetınde bılım alyp jürgen jyldary Şanhaida ötken ǧylymi konferensiiaǧa qatysyp, Qytai, Resei jäne AQŞ-tyŋ Ortalyq Aziiadaǧy geosaiasi müddelerı turaly baiandama jasaǧan.

Aita keteiık, Nikolai Durov – matematik, baǧdarlamaşy jäne Telegram messendjerınıŋ tehnikalyq negızın qalauşylardyŋ bırı. Ol platformanyŋ qauıpsız bailanys jüiesınde qoldanylatyn MTProto hattamasyn äzırlegen.

Durov matematikadan halyqaralyq olimpiadalardyŋ üş dürkın altyn jüldegerı atanǧan. Sondai-aq baǧdarlamalau boiynşa älem chempionatynda ekı ret jeŋıske jetken.

Nikolai Durov köpşılık aldyna sirek şyǧady. Ol ınısı Pavel Durovqa qaraǧanda mediadan alşaq jürıp, negızınen Telegram jobasynyŋ tehnikalyq damuyna köŋıl böledı.

Pıkırler