دۋروۆتىڭ اعاسى ۇيلەندى. قالىڭدىعى – قىتايتانۋشى

365
Adyrna.kz Telegram
https://www.adyrna.kz/storage/uploads/fLy1RN6KCGIKvmDESBMX5dDyRyO97ftVKSwN8P3A.jpg

فوتو: https://t.me/bazabazon

Telegram مەسسەندجەرىن جاساۋشىلاردىڭ ءبىرى نيكولاي دۋروۆ العاش رەت وتباسىن قۇردى. ونىڭ تاڭداۋى قىتاي جانە حالىقارالىق گەوساياسات سالاسىندا ماماندانعان الەكساندرا ەسىمدى ايەلگە تۇسكەن. سونداي-اق ەرلى-زايىپتىلاردىڭ ۇل بالاسى دۇنيەگە كەلگەن. بۇل تۋرالى «بازا» باسىلىمى جازدى، دەپ حابارلايدى “ادىرنا”.

باسىلىم دەرەگىنشە، 45 جاستاعى نيكولاي دۋروۆ 34 جاستاعى، چەليابى قالاسىنىڭ تۋماسى الەكساندرامەن نەكەسىن دۋبايداعى رەسەيدىڭ باس كونسۋلدىعىندا رەسمي تىركەگەن.

الەكساندرانىڭ ءبىلىمى فيلولوگيا سالاسىمەن بايلانىستى. ول قىتاي جانە حالىقارالىق قاتىناستاردى زەرتتەيدى، قىتاي جانە اعىلشىن تىلدەرىن مەڭگەرگەن. قازىرگى ۋاقىتتا فرانتسۋز جانە يسپان تىلدەرىن دە ۇيرەنىپ ءجۇر. بۇعان دەيىن رەسەيدىڭ شانحايداعى باس كونسۋلىنىڭ كومەكشىسى ءارى اۋدارماشىسى قىزمەتىن اتقارعان.

سونىمەن قاتار الەكساندرا ستۋدەنت كەزىندە حالىقارالىق عىلىمي ورتادا بەلسەندى بولعان. چەليابى مەملەكەتتىك ۋنيۆەرسيتەتىندە ءبىلىم الىپ جۇرگەن جىلدارى شانحايدا وتكەن عىلىمي كونفەرەنتسياعا قاتىسىپ، قىتاي، رەسەي جانە اقش-تىڭ ورتالىق ازياداعى گەوساياسي مۇددەلەرى تۋرالى بايانداما جاساعان.

ايتا كەتەيىك، نيكولاي دۋروۆ – ماتەماتيك، باعدارلاماشى جانە Telegram مەسسەندجەرىنىڭ تەحنيكالىق نەگىزىن قالاۋشىلاردىڭ ءبىرى. ول پلاتفورمانىڭ قاۋىپسىز بايلانىس جۇيەسىندە قولدانىلاتىن MTProto حاتتاماسىن ازىرلەگەن.

دۋروۆ ماتەماتيكادان حالىقارالىق وليمپيادالاردىڭ ءۇش دۇركىن التىن جۇلدەگەرى اتانعان. سونداي-اق باعدارلامالاۋ بويىنشا الەم چەمپيوناتىندا ەكى رەت جەڭىسكە جەتكەن.

نيكولاي دۋروۆ كوپشىلىك الدىنا سيرەك شىعادى. ول ءىنىسى پاۆەل دۋروۆقا قاراعاندا مەديادان الشاق ءجۇرىپ، نەگىزىنەن Telegram جوباسىنىڭ تەحنيكالىق دامۋىنا كوڭىل بولەدى.

پىكىرلەر