AQŞ Ūlttyq qauıpsızdık agenttıgınıŋ ışkı jelısı ısten şyqty

349
Adyrna.kz Telegram
https://www.adyrna.kz/storage/uploads/ApSIxqTZg4AKWIEGdyUm7IoNi1X4hUNn2bQiGtkb.jpg

Foto: AP Photo/Patrick Semansky, File

AQŞ Ūlttyq qauıpsızdık agenttıgınıŋ (NSA) qūpiia aqparatty saqtau jäne almasu üşın paidalanylatyn ışkı jelısınde tehnikalyq aqau tırkeldı. Būl turaly CBS News jazdy, dep habarlaidy "Adyrna".

Telearna mälımetınşe, oqiǧa turaly aqparatty jaǧdaidan habardar bırneşe amerikalyq şeneunık rastaǧan. NSA Net dep atalatyn jelı agenttıktıŋ ışkı qauıpsız bailanysyn qamtamasyz etıp, qūpiia derektermen almasu üşın qoldanylady.

Ūlttyq qauıpsızdık agenttıgınıŋ ökılı jüiede josparly tehnikalyq qyzmet körsetu kezınde uaqytşa ırkılıster bolǧanyn mälımdedı. Onyŋ aituynşa, keibır ışkı jüielerdıŋ jūmysy būzylǧanymen, negızgı mındetterdı oryndauǧa qajettı infraqūrylym ştattyq rejimde jūmys ıstep tūr. Sondai-aq būl jaǧdai agenttıktıŋ ūlttyq qauıpsızdıktı qamtamasyz etu mümkındıgıne äser etpegen.

Vedomstvo ökılı agenttık infraqūrylymy bırneşe deŋgeilı rezervtık jüiemen jabdyqtalǧanyn atap öttı. Būl josparly jaŋartu jūmystary nemese kütpegen aqaular kezınde qyzmettıŋ üzdıksız jūmys ısteuıne mümkındık beredı.

CBS News derekközderınıŋ habarlauynşa, äzırge jelıdegı aqaudyŋ kiberşabuyl saldarynan bolǧanyn rastaityn eşqandai dälel joq. Ekı derekköz mäsele jüielerdı josparly jaŋartu kezınde tuyndaǧanyn aitqanymen, oqiǧanyŋ naqty sebepterı älı tolyq anyqtalmaǧan.

Aqaudyŋ saldarynan agenttık Merilend ştatyndaǧy Fort-Mid äskeri bazasynda ornalasqan ştab-päterınde qyzmetkerlerdıŋ jūmys kestesın özgertuge mäjbür bolǧan. Şūǧyl emes mındetterdı oryndaityn mamandar üşın jūmysqa keludıŋ bölek kestesı engızılgen.

Derekközderdıŋ sözınşe, mūndai şeşım qyzmetkerlerdıŋ bır uaqytta jüiege jappai qosyluyna jol bermeu maqsatynda qabyldanǧan. Osylaişa, mamandardyŋ jūmysqa kelu uaqyty kezeŋ-kezeŋımen bölıngen.

Sonymen bırge Fort-Mid äskeri keşenınıŋ jalpy jūmysyna aitarlyqtai äser bolmaǧan. Ondaǧy ötkızu punktterı men basqa da qyzmetter ädettegı rejimde jūmysyn jalǧastyrǧan. Sebebı Ūlttyq qauıpsızdık agenttıgı keşen aumaǧyndaǧy basqa qūrylymdardan bölek, öz qyzmetkerlerıne qatysty jeke jūmys tärtıbın belgılei alady.

Aqparat közderınıŋ mälımetınşe, agenttıktıŋ keibır jūmys prosesterı AQŞ-tyŋ özge aimaqtarynda ornalasqan bölımşelerıne auystyrylǧan.

Äzırge NSA Net jelısınıŋ naqty qanşa uaqyt jūmys ıstemegenı jäne onyŋ tolyq qalpyna kelu merzımı turaly aqparat jariialanǧan joq.

Aita keteiık, AQŞ Ūlttyq qauıpsızdık agenttıgı şeteldık barlau aqparatyn jinau jäne taldau, kiberqauıpterdı anyqtau men olardyŋ aldyn alu, sondai-aq memlekettık kommunikasiialardy qorǧau mındetterın atqarady.

Būl oqiǧa AQŞ-ta bırqatar ırı servisterde tehnikalyq ırkılıster tırkelgen kezeŋde bolyp otyr. Düisenbı künı Chase, Bank of America jäne Wells Fargo bankterınıŋ jüielerınde, sondai-aq United Airlines äue kompaniiasynyŋ reisterdı basqaru qyzmetınde aqaular baiqalǧan.

Būǧan deiın AQŞ Federaldyq azamattyq aviasiia basqarmasynyŋ şeşımımen el aumaǧyndaǧy äue reisterı uaqytşa toqtatylǧan bolatyn.

Pıkırler