Pragada poiyzdar betpe-bet soqtyǧysyp, 46 adam zardap şektı

331
Adyrna.kz Telegram
https://www.adyrna.kz/storage/uploads/T9YW72NDDp7jMHjncTAnBfBVS4imMnjTRs5QEyve.webp

Foto: ANADOLU VIA GETTY IMAGES

Chehiia astanasy Pragada jolauşy tasityn ekı poiyzdyŋ betpe-bet soqtyǧysuy saldarynan 46 adam jaraqat aldy. Olardyŋ törteuınıŋ jaǧdaiy auyr. Oqiǧa qalanyŋ ortalyǧynda, Bas temırjol vokzaly maŋyndaǧy köpırde bolǧan, dep habarlaidy "Adyrna".

DW habarlauynşa, temırjol apaty 17 qaraşa jergılıktı uaqyt boiynşa taŋǧy saǧat 07:00 şamasynda tırkelgen. Aldyn ala mälımetterge säikes, ekı poiyz da tömen jyldamdyqpen qozǧalǧan. Zardap şekkender arasynda Ukrainanyŋ 15 azamaty bar.

Apattan keiın qala maŋyna qatynaityn poiyzdardyŋ qozǧalysy şamamen ekı saǧatqa şekteldı. Oqiǧa ornyna polisiia, ört söndıru qyzmetı men jedel järdem brigadalary jıberıldı. Saǧat 09:00-den keiın Praganyŋ Bas vokzalyndaǧy tört platformanyŋ jūmysy qaita qalpyna keltırıldı.

Äzırge poiyzdardyŋ bır temırjol uchaskesıne qalai qatar şyqqany belgısız. Chehiianyŋ kölık ministrı İvan Bednarik bolǧan jaǧdaidy «öte auyr jaǧdai» dep baǧalap, qazırgı uaqytta apattyŋ sebepterı men barlyq män-jaiy tekserılıp jatqanyn aitty.

Aldyn ala baǧalau boiynşa, oqiǧadan kelgen materialdyq şyǧyn kemınde 650 myŋ eurony qūraidy.

Pıkırler