4 säuır künı AQŞ Ūlttyq qauıpsızdık agenttıgınıŋ (NSA) basşysy general Timoti Ho men onyŋ orynbasary Vendi Nobl qyzmetterınen bosatyldy, dep habarlaidy "Adyrna" ūlttyq portaly The Washington Post basylymyna sıltep.
Timoti Ho būl qyzmetke 2024 jyldyŋ aqpan aiynda taǧaiyndalǧan bolatyn. Ol tek bır jyldan astam uaqyt qana jūmys ıstep ülgerdı. Sonymen qatar, ol AQŞ-tyŋ kiberqauıpsızdık jäne kiberşabuyldarǧa qarsy ıs-qimyl jürgızetın US Cyber Command dep atalatyn Pentagon bölımşesın de basqarǧan. Qazırgı uaqytta Honyŋ qyzmetten ketuınıŋ naqty sebebı resmi türde jariialanǧan joq.
Onyŋ orynbasary Vendi Nobl da qyzmetınen bosatylyp, Pentagondaǧy basqa lauazymǧa auystyryldy.
BAQ habarlauynşa, Ūlttyq qauıpsızdık agenttıgın uaqytşa basqaru mındetı Kiber basqarmasynyŋ orynbasary Uiliam Dj. Hartmanǧa, al orynbasarlyq mındet Şeila Tomasqa jükteldı.
Demokratiialyq partiia ökılı, Kongress müşesı Djim Haims būl şeşımge narazylyq bıldırıp, general Hony «zaŋdy saqtaityn jäne ūlttyq qauıpsızdıktı bırınşı orynǧa qoiatyn adal ärı aşyq basşy» dep sipattady. Onyŋ pıkırınşe, däl osy qasietter Tramp äkımşılıgınde qyzmetten bosatuǧa sebep boluy mümkın.
Aita keteiık, Donald Tramp biylǧy qaŋtar aiynda AQŞ prezidentı qyzmetıne qaita kırıskennen berı qaruly küşter men memlekettık qūrylymdarda bırqatar tübegeilı özgerıster jasap keledı. Aqpan aiynda ol AQŞ Qaruly küşterınıŋ ştab bastyqtary komitetınıŋ töraǧasy general Charlz "CQ" Braundy da merzımınen būryn qyzmetten bosatqan bolatyn.
Şeteldık BAQ-ta arapşylar Tramp äkımşılıgınıŋ būl äreketterın federaldyq jüienı qaita qūruǧa baǧyttalǧan saiasi strategiia dep baǧalap otyr.
Ūqsas jaŋalyqtar
