Ukraina prezidentı Vladimir Zelenskii AQŞ prezidentı Donald Tramppen Aq üidegı kezdesuden keiın alǧaşqy mälımdemesın jasady, dep habarlaidy "Adyrna" ūlttyq portaly.
"Rahmet, Amerika, qoldauyŋ üşın rahmet, osy sapar üşın rahmet. Prezidentke, Kongresske jäne Amerika halqyna rahmet. Ukrainaǧa ädıl ärı tūraqty beibıtşılık kerek, bız sol üşın jūmys ıstep jatyrmyz", – dep jazdy Zelenskii X äleumettık jelısınde.
28 aqpanda Aq üide Ukraina men Resei arasyndaǧy beibıt kelısımge qatysty joǧary deŋgeidegı kelıssöz öttı. Oǧan AQŞ prezidentı Donald Tramp, Ukraina prezidentı Vladimir Zelenskii jäne AQŞ vise-prezidentı Djei Di Vens qatysty. Alaida, kezdesu barysynda taraptar arasynda qatty kikıljıŋ tuyndap, nätijesınde baspasöz konferensiiasy ötpei qaldy.
Kezdesu aldynda Zelenskii Resei prezidentı Vladimir Putinmen kelısımge kelu mümkın emestıgın aitty. Al Tramp älem üşınşı düniejüzılık soǧys aldynda tūrǧanyn mälımdedı.
Janjaldan keiın Ukraina delegasiiasy Aq üiden ketıp qaldy.
Kelıssözden keiın köp ūzamai Aq üi būl jaitqa qatysty pıkır bıldırdı. BAQ mälımetınşe, AQŞ tarapynyŋ mälımdemesınde:
"Amerikany eşkım eşqaşan paidalana almaidy" degen söz aitylǧan.
Būl oqiǧa Vaşington men Kiev arasyndaǧy qarym-qatynasqa qalai äser etetını belgısız. Aldaǧy uaqytta ekı el basşylarynyŋ taǧy da kezdesuı mümkın be, joq pa – ol jaǧy äzırge belgısız.
Ūqsas jaŋalyqtar
