2026 جىلدىڭ قاڭتارىندا اقش ادىلەت مينيسترلىگى قارجى ماگناتى دجەففري ەپشتەيننىڭ ءىسى بويىنشا جاڭا قۇپياسىزداندىرىلعان ماتەريالداردى جاريالاعان. اشىق دەرەكتەردىڭ كولەمى 3,5 ميلليون بەتتەن اسىپ، بۇل ءىس الەمدىك دەڭگەيدە تاعى دا ۇلكەن رەزونانس تۋدىردى.
جاريالانعان ماتەريالدارعا كۋاگەرلەردىڭ كورسەتۋلەرى، جەكە حات الماسۋلار، كۇندەلىكتى جوسپار جازبالارى جانە باسقا دا دالەلدەر كىرەدى.
ونىڭ ءىسى الەم نازارىن اۋدارتقان.
اقش قارجىگەرى دجەففري ەدۆارد ەپشتەين تۋرالى نە بەلگىلى؟
اقش قارجىگەرى دجەففري ەدۆارد ەپشتەين 1953 جىلى 20 قاڭتاردا نيۋ-يورك قالاسىندا دۇنيەگە كەلگەن.
1974 جىلى دجەففري ەپشتەين مانحەتتەندەگى دالتون مەكتەبىندە فيزيكا جانە ماتەماتيكا پانىنەن مۇعالىم بولىپ جۇمىس ىستەي باستادى. مەكتەپتىڭ كوپتەگەن وقۋشىلارى ەلدەگى ەڭ باي وتباسىلاردان شىققان. ول 1976 جىلعا دەيىن ساباق بەرگەن، بىراق «ناشار كورسەتكىشتەرى» ءۇشىن جۇمىستان شىعارىلعان.
اقش باق دەرەككوزدەردىڭ مالىمەتىنشە، مەكتەپتە جۇمىس ىستەگەن كەزىندە ەپشتەين بەار ستيرنس كومپانياسىنىڭ باس ديرەكتورى الان گرينبەرگپەن تانىسقان. گرينبەرگتىڭ بالالارىن سول مەكتەپكە وقۋعا بەرگەن. ەپشتەيننىڭ زەيىنى مەن امبيتسياسىنان اسەرلەنگەن گرينبەرگ وعان بەار ستيرنس كومپانياسىنا جۇمىسقا تۇرۋ تۋرالى ۇسىنىس جاسايدى.
وقىتۋ سالاسىن كەتكەن ەپشتەين كەيىن بانكينگ جانە قارجى سالاسىنا كىرىسكەن. بەار ستيرنستە جەكە ەسەپشوت ارقىلى باعالى قاعازداردى ساتىپ الۋ ترەيدەردىڭ تومەنگى دەڭگەيدەگى اسسيستەنتى بولىپ جۇمىس ىستەدى. قارجىلىق تالداۋ جانە ساۋدا ارەكەتتەرى ارقىلى ەپشتەين ەداۋىر بايلىق جيناپ، مۋلتيميلليونەرگە اينالدى.
1981 جىلعى تامىزدا دجەففري ەپشتەين وزىنە تيەسىلى Intercontinental Assets Group Inc. كونسالتينگتىك كومپانياسىن قۇردى. كومپانيا ءوز كليەنتتەرىنە الاياق بروكەرلەر مەن زاڭگەرلەردىڭ ۇرلاعان اقشالارىن قايتارۋعا كومەكتەسەتىنىن مالىمدەلگەن.
جىلدار بويى دجەففري ەپشتەين جاھاندىق قارجى، ساياسات جانە مادەني ەليتانىڭ بەلگىلى تۇلعالارىمەن ۇزاق مەرزىمدى ىسكەرلىك جانە الەۋمەتتىك بايلانىستار ورناتتى. ولاردىڭ قاتارىندا دونالد ترامپ، كەۆين سپەيسي، بيلل كلينتون، الان دەرسوۆيتس جانە ۇلىبريتانيانىڭ ەليزاۆەتا ءىى-ءنىڭ ۇلى، يورك گەرتسوگى ەندريۋ پرينتستەرى بار. ەپشتەينمەن تىعىز بايلانىسى سالدارىنان، كەيىن ەندريۋ پرينتس كورولدىك مىندەتتەرىنەن باس تارتۋعا ءماجبۇر بولدى.
ەپشتەينگە قاتىستى قىلمىستىق ءىس
2005 جىلى فلوريدا شتاتىنىڭ پالم-بيچ قالاسىندا پوليتسيا 14 جاسار قىزعا قاتىستى ەپشتەيننىڭ ارەكەتى تۋرالى حابارلاما العاننان كەيىن تەرگەۋ باستالدى. تەرگەۋ بارىسىندا 36 قىز انىقتالىپ، ولاردىڭ كەيبىرى 14 جاستاعى جاسوسپىرىمدە، كامەلەتكە تولماعان قىزدار بولعانى تۋرالى اقپاراتىن تارادى.
2008 جىلى ەپشتەين كىناسىن مويىنداپ، كامەلەتكە تولماعانداردى جەزوكشەلىككە تارتۋ جانە وزگەنى سول ارەكەتكە ۇگىتتەۋ باپتارى بويىنشا 13 ايعا سوتتالعان.
2019 جىلى ەپشتەين قايتادان ۇستالىپ، فەدەرالدىق ايىپتار تاعىلدى. ول كامەلەتكە تولماعانداردى سەكسۋالدى ەكسپلۋاتاتسيا ماقساتىندا ساۋدالاۋ بويىنشا ايىپتالدى. الايدا 10 تامىزدا نيۋ-يوركتەگى تيۋرەمىندە قايتىس بولدى. ونى باستى سوت-مەديتسينالىق ساراپشى باربارا سەمپسون ء«وز-وزىنە قول جۇمساۋ» دەپ باعالاعانىمەن، باسقا ساراپشىلار بۇل قورىتىندىعا كۇمان كەلتىرىپ، تەوريالار مەن داۋلى پىكىرلەر تۋعىزدى.
