استانا قالاسى تجد ءورت ءسوندىرۋ بولىمشەلەرى قورعالجىن تاس جولى مەن قوسشى قالاسىنا قاراي اينالما جول اراسىنداعى قۋراعان ءشوپ پەن قامىس ءورتىن ەكىنشى كۇن قاتارىنان سوندىرۋگە كۇش سالىپ جاتىر. بۇل جايلى استانا قالاسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى، دەپ جازدى "ادىرنا" ۇلتتىق پورتالى.
مەكەمە مالىمەتىنشە, توتەنشە جاعدايلار ءمينيسترى سىرىم ءشارىپحانوۆ ەلوردا ماڭىنداعى تج ورنىنا بارىپ، ءورتتى تەز ارادا ءسوندىرۋ ءۇشىن قاجەتتى كۇشتەر مەن قۇرالداردى ىسكە جەگىپ، تجم كازاۆياقۇتقارۋ اۆياتەحنيكاسىن قوسىمشا تارتۋدى تاپسىرعان.
"قازىرگى ۋاقىتتا ءورت سوندىرۋگە قازاۆياقۇتقارۋ سۋ اعىزۋ قۇرىلعىسى بار مي-8 بورتى قوسىمشا تارتىلىپ، بۇگىن تاڭەرتەڭنەن باستاپ ءورت وشاقتارىنا اۋەدەن 17 رەت 51 توننا سۋ توكتى. ءورت ءسوندىرۋ ورنىندا استانا قالاسى، اقمولا جانە قاراعاندى وبلىستارى تجد جەكە قۇرامىنىڭ 185 ادامى جانە 37 بىرلىك تەحنيكاسى، قالا اكىمدىگىنىڭ 6 سۋارۋ ماشيناسى جۇمىلدىرىلدى", - دەپ جازدى استانا قالاسى تجد ءباسپاسوز قىزمەتى.Zakon.kz-ءتىڭ حابارلاۋىنشا، استانا قالاسىنىڭ اكىمدىگى جانە كلۋب دوبرياكوۆ ەرىكتىلەر كومانداسى ەلوردالىق ءورت سوندىرۋشىلەردى ىستىق تاماقپەن جانە سۋسىنمەن قامتاماسىز ەتكەن. استانا قالاسىنىڭ توتەنشە جاعدايلار دەپارتامەنتى تۇرعىنداردان ءورت قاۋىپسىزدىگى ەرەجەسىن ساقتاۋعا شاقىردى.
ء"ورت قاۋىپسىزدىگىن، بالالار وتپەن ويناماۋىن قاداعالاڭىز، تەمەكى تۇقىلىن تاستاماڭىز! ءورت قاۋىپتى كەزەڭدە ءورتتىڭ پايدا بولۋ قاۋپى ارتادى. اسىرەسە، وتپەن ابايسىز بولۋ جاعدايلارى ارتادى", – دەلىنگەن حابارلامادا.
"ادىرنا" ۇلتتىق پورتالى
استانا قالاسى
كوك ءتۇتىن
توتەنشە جاعدايلار دەپارتامەنتى
استاناداعى ءورت
استاناداعى ءورت قىزمەتى
قامىس ءورتى
