عاسىرعا جۋىق تاريحى بار قۇرمانعازى وركەسترى يتاليادا

2347
Adyrna.kz Telegram
https://adyrna.kz/content/uploads/2023/06/86eee7ad-6ca4-486e-972c-d8da884cd5d5.jpeg

بۇگىن ەۋروپانىڭ ەليتاسى يتاليا رەسپۋبليكاسىنىڭ ريم قالاسىندا قازاق ءان-كۇي ونەرىنىڭ قارا شاڭىراعى قۇرمانعازى اتىنداعى قازاق ۇلتتىق حالىق اسپاپتار وركەسترى «كوشپەندىلەر اۋەنى» اتتى گاسترولدىك كونتسەرتىن وتكىزدى. يتاليا استاناسىنا ۇيىمداستىرىلعان كونتسەرتكە ونەرسۇيەر شاھار جۇرتشىلىعى جينالدى.

قازاقتىڭ ءتول تۋىندىلارىن دۇنيە ءجۇزى حالىقتارىنۇلتتىق جانە الەمدىك كلاسسيكالىق، قازاق ءان-كۇيىنىڭ ەرەكشە كولوريتكە يە تۋىندىلارىن يتالياندىق كورەرمەنگە تارتۋ ەتتى. قۇرمانعازى وركەسترىنىڭ 90 جىلدىق مەرەيتويى اياسىندا ۇيىمداستىرىلعان گاسترولدىك كونتسەرتتە ۇلتتىق وركەسترمەن قاتار قر ەڭبەك سىڭىرگەن قايراتكەرى باتىرجان مىقتىباەۆ، ءداستۇرلى ءانشى سەرجان مۇسايىن، حالىقارالىق كونكۋرستاردىڭ لاۋرەاتى اسەل راقىمجان، اقايشا جۇرباي، Raffaele Collienza, ريم قالاسىنداعى سانتا چەچيليا مۋزىكالىق كونسەرۆاتورياسىنىڭ تۇلەگى لاۋرا الي ونەر كورسەتتى.

سونداي-اق، وركەستردىڭ باس ديريجەرى يتاليا رەسپۋبليكاسىنا جوسپارلانعان تۋرنە تۋرالى ويىمەن ءبولىستى:

ۇلتتىق وركەستر بۇعان دەيىن الەمنىڭ 90-عا جۋىق مەملەكەتىندە ونەر كورسەتىپ، قازاقتىڭ ءتول مادەنيەتىن، ءتول مۋزىكاسىن، «قازاق» دەگەن ۇلى ەلدىڭ بار ەكەنىن ۇلتتىق مۋزىكالىق اسپاپتاردىڭ اۋەزدى ۇنىمەن تانىتىپ كەلەدى. ال، بيىل الەمدىك كلاسسيكانىڭ وتانىنا اينالعان يتاليا جەرىندە كەزەكتى گاسترولدىك كونتسەرتىمىزدى وتكىزۋ بۇيىرىپتى. بۇل بيىلعا شەتەلگە ۇيىمداستىرىلعان ەكىنشى گاسترولدىك ساپارىمىز. وسى گاسترولدىك ساپاردا قۇرمانعازى وركەسترىنىڭ مەرەيلى 90 ماۋسىمىنىڭ شىمىلدىعى ءتۇرىلدى. ءبىزدىڭ اۋقىمدى دەڭگەيدەگى كونتسەرتىمىزگە قولداۋ بىلدىرگەن قازاقستان رەسپۋبليكاسى مادەنيەت جانە سپورت مينيسترلىگىنە جانە قازاقستان رەسپۋبليكاسىنىڭ

يتاليا رەسپۋبليكاسىنداعى توتەنشە جانە وكىلەتتى ەلشىسى  ەربولات ناسەنۇلىنا، قازاقستان رەسپۋبليكاسىنىڭ سان-مارينو مەملەكەتىندەگى قۇرمەتتى كونسۋلى Pomponi Giovanni مىرزاعا قۇرمانعازى وركەسترىنىڭ ۇجىمى اتىنان العىسىمىزدى بىلدىرەمىز.

وركەستر ديرەكتورى مەدەت ەرمەكقاليۇلى اتالمىش گاسترولدىك ساپاردىڭ قانداي ماقساتتا ۇيىمداستىرىلعانىن ءتۇسىندىردى:

بۇل گاسترولدىك ساپار – قۇرمانعازى وركەسترىنىڭ يتاليا رەسپۋبليكاسىنا ۇيىمداستىرعان العاشقى ساپارى ەمەس. بۇعان دەيىن 2004 جىلى ەۋروپانىڭ مادەني جانە تاريحي ورتالىعى، الەمدىك مادەني ەسكەرتكىشتەردىڭ التىن قازىعىنا اينالعان كونە مەملەكەتكە قۇرمانعازى وركەسترىنىڭ قۇرىلعانىنا 70 جىل تولۋىنا وراي تۋرنە وتكىزگەن بولاتىنبىز. اراعا 20 جىل سالىپ، تاريحي وقيعانى قايتالادىق. گاسترولدىك ساپاردى يتاليانىڭ استاناسى ريم قالاسىنان باستادىق. نەاپول، فلورەنتسيا قالالارىندا اۋقىمدى دەڭگەيدەگى ساپار جالعاسىن تابادى. ۇلتتىق مۋزىكالىق مۇرانى وسىلايشا كۇللى الەم حالىقتارىنا پاش ەتىپ،ۇلتتىق اسپاپتاردىڭ كومەيىنەن شىققان سازدى اۋەنمەن ۇلت مادەنيەتىن تانىتۋ – ۇلتتىق وركەستردىڭ باستى پارىزى.

كونتسەرت سوڭىندا قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ ديرەكتورى قۋانىشەۆ مەدەت ەرمەكقاليۇلى قازاقستان رەسپۋبليكاسىنىڭ يتاليا رەسپۋبليكاسىنداعى توتەنشە جانە وكىلەتتى ەلشىسى  ەربولات ناسەنۇلىنا، قازاقستان رەسپۋبليكاسىنىڭ سان-مارينو مەملەكەتىندەگى قۇرمەتتى كونسۋلى Pomponi Giovanni مىرزاعا قازاقي داستۇرگە ساي شاپان جاۋىپ، شىعارماشىلىق قولداۋلارى ءۇشىن العىس ءبىلدىردى.

وركەستردىڭ يتالياعا ۇيىمداستىرعان گاسترولدىك كونتسەرتى نەاپول جانە فلورەنتسيا قالالارىنداعى كونتسەرتتەرمەن جالعاسىن تابادى.

پىكىرلەر