جوباداعى زاڭ جۋرناليستەردى ۇكىمەتكە جىعىپ بەرە مە؟ زايىتوۆ تاۋەلسىز جۋرناليستەر جايلى

2373
Adyrna.kz Telegram
https://adyrna.kz/content/uploads/2023/06/399e056e-c01e-433d-a8c0-907e52527054.jpeg
ءماجىلىس دەپۋتاتى رينات زايىتوۆ «ماسس-مەديا» زاڭى نە ءۇشىن كەرەك بولىپ وتىرعانىن ايتىپ، مينيسترلىك وكىلىنە تاۋەلسىز جۋرناليستەر تۋرالى تىكەلەي سۇراق قويدى، دەپ حابارلايدى “ادىرنا” ۇلتتىق پورتالى.
ءبىز قازىر جۋرناليستەردىڭ الەۋمەتتىك جانە باسقا دا ماسەلەسىن ايتىپ وتىرمىز. جۋرناليستەردى ۇكىمەتكە جىعىپ بەرۋگە مە، الدە شىنىمەن دە جۋرناليستەردىڭ مارتەبەسىن وسىرۋگە قاجەت پە؟ بىراق ناقتى جاۋاپ بەرە المايتىنىڭىزدى بىلەمىن. سوندىقتان سۇراقتى اينالدىرىپ قويايىن. «قاسقىرعا «التىننان قارعى باۋ تاعىپ، گاۋھاردان ۇيشىك سالىپ بەرسەڭىز دە ونى باقىتتى ەتە المايدى». ونىڭ وزىندىك تاعىلىعى، جىرتقىشتىعى بار. سول سەكىلدى قازىر ءوز-ءوزىن تاۋەلسىز ءجۋرناليسپىن دەپ جاريالاعان جانە ءبىر ەمەس جۇزدەگەن مىڭ اۋديتورياسى بارلار بار. ال بۇل زاڭ وسى بەتتە قابىلداندى دەلىك. سوندا ولاردىڭ جاعدايى نە بولادى؟ جاۋىپ تاستايسىزدار ما، سوتتاي ما الدە؟ سولاردىڭ اقپاراتىنان قۇلاق اسىپ وتىرعان ميلليونداعان ادامدى قايدا جىبەرەمىز؟، – دەدى دەپۋتات.
سونداي-اق، ول “تاۋەلسىز جۋرناليست دەگەن ۇعىمدى باسقاشا قالىپتاستىرۋدىڭ مۇمكىندىگى قاراستىرىلا ما؟” دەپ ساۋال جولدادى.
پىكىرلەر