ءازىربايجان ۋكراينانى قالپىنا كەلتىرۋگە 10 ميلليون دوللار ءبولۋدى جوسپارلاپ وتىر، دەپ حابارلايدى “ادىرنا” ءتىلشىسى.
ءازىربايجان سىرتقى ىستەر ءمينيسترى دجەيحۋن بايراموۆ لوندوندا وتكەن كونفەرەنتسيادا مەملەكەتتىڭ ۋكرايناعا ەلەكتر جابدىقتارىن جىبەرىپ، قالپىنا كەلتىرۋ جۇمىستارىنا كومەكتەسەتىندىگىن رەسمي حابارلادى. سوعىس زاردابىن تارتقان ۋكراينانى قالپىنا كەلتىرۋ جونىندەگى جيىن سارسەنبى كۇنى وتكەن ەدى. دجەيحۋن بايراموۆ:
- ءازىربايجان ۋكراينانى قالپىنا كەلتىرۋ جانە قايتا قۇرۋ كۇش-جىگەرىنە،
اتاپ ايتقاندا، ەلەكتر جابدىقتارىن جىبەرۋ جانە يرپين قالاسىنا قايتا قۇرۋ جوبالارىن جۇزەگە اسىرۋ ارقىلى ءوز ۇلەسىن قوسۋدى جالعاستىرۋدى جوسپارلاپ وتىر. بۇل كومەكتىڭ جالپى سوماسى كەمىندە $10 ميلليوندى قۇرايدى، - دەدى.
سونداي-اق، ءازىربايجان مينيسترلىگى 2022 جىلدىڭ اقپان ايىنان بەرى ءازىربايجان ۋكرايناعا 20 ميلليون دوللاردان استام گۋمانيتارلىق كومەك كورسەتكەنىن اتاپ ءوتتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز