ۋكراينا پرەزيدەنتى ۆلاديمير زەلەنسكي “ۆاگنەر” باسشىسى ەۆگەني پريگوجيننىڭ بۇلىگى جايلى پىكىر ءبىلدىردى. بۇل تۋرالى زەلەنسكي Telegram ارناسىندا جازدى، دەپ حابارلايدى “ادىرنا” ۇلتتىق پورتالى.
رەسەي ءوز بيلىگىنىڭ السىزدىگى مەن اقىماقتىعىن كوپتەن بەرى ۇگىت-ناسيحاتپەن بۇركەمەلەپ كەلەدى. ال قازىر حاوستىڭ اۋقىمدى بولعانى سونشا، ونى ەشقانداي وتىرىكپەن جاسىرا المايسىڭ. وسىنىڭ بارىندە ءبىر عانا ادام قايتا-قايتا جۇرتتى 1917 جىلمەن قورقىتادى، بىراق ونىڭ قولىنان باسقا ەشتەڭە كەلمەيدى. رەسەيدىڭ السىزدىگى ايدان انىق كورىنىپ تۇر. تولىق اۋقىمدى السىزدىك. ال رەسەي ءوز اسكەرلەرى مەن جالدامالىلارىن ءبىزدىڭ جەرىمىزدە نەعۇرلىم ۇزاق ۇستاسا، سوعۇرلىم حاوس، قايعى مەن پروبلەمالار وزدەرىندە دە كوپ بولادى. بۇل دا انىق»، - دەدى ۋكراينا پرەزيدەنتى.ەسكە سالساق، 24 ماۋسىمعا قاراعان ءتۇنى ەۆگەني پريگوجين رەسەي قورعانىس مينيسترلىگىن سوققى بەردى دەپ ايىپتاپ، قارۋلى قاقتىعىس باستالعانىن مالىمدەگەن. كەيىنىرەك ەۆگەني پريگوجينگە قارسى قارۋلى كوتەرىلىس ۇيىمداستىرۋ فاكتىسى بويىنشا قىلمىستىق ءىس قوزعادى. قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى اسكەري-ساياسي جاعدايدىڭ شيەلەنىسۋىنە بايلانىستى قازاقستان ازاماتتارىنا ۇندەۋ جولدادى.
