قازاقستانعا بىرنەشە كودتار تيەسىلى بولماق، دەپ حابارلايدى “ادىرنا” ۇلتتىق پورتالى.
قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى +7 حالىقارالىق تەلەفون كودى اياسىنداعى نومىرلەۋدى قازاقستان مەن رەسەي اراسىندا بولۋگە قاتىستى قاۋلى جوباسىن قوعامدىق تالقىلاۋعا شىعاردى.
“شىنىمەن دە دۇنيەجۇزىلىك نومىرلەۋدىڭ 7-ءشى ايماعىن بىرلەسىپ (رەسەيمەن بىرگە) پايدالانىپ جاتىرمىز. الايدا وسى جەتىلىك اياسىندا بىزدە قوسىمشا نومىرلەۋ بار جانە ول تەك قازاقستانعا تيەسىلى. بۇل تۇرعىدا «+77»، «+76» بار، سونداي-اق قوسىمشا «+70» بويىنشا كەلىسىمگە كەلەمىز. بۇل نومىرلەۋ تەك قازاقستانعا قاتىستى بولادى”، — دەدى مينيستر جاسلان ماديەۆ.
قۇجاتتا كورسەتىلگەندەي، قازاقستان رەسپۋبليكاسى +7 كود ايماعىندا +70, +76 جانە +77 كود اۋقىمدارىن پايدالانادى. ال رەسەي فەدەراتسياسىنا +72, +73, +74, +75 جانە +79 كودتارى تيەسىلى.
ايتا كەتەيىك، بىلتىر كۇزدە مينيستر جاسلان ماديەۆ قازاقستاننىڭ نەلىكتەن رەسەيمەن بىرگە +7 كودىن پايدالانىپ وتىرعانىن تۇسىندىرگەن.
ۇقساس جاڭالىقتار
