Qazaqstanǧa bırneşe kodtar tiesılı bolmaq, dep habarlaidy “Adyrna” ūlttyq portaly.
Qazaqstannyŋ sifrlyq damu, innovasiialar jäne aeroǧaryş önerkäsıbı ministrlıgı +7 halyqaralyq telefon kody aiasyndaǧy nömırleudı Qazaqstan men Resei arasynda böluge qatysty qauly jobasyn qoǧamdyq talqylauǧa şyǧardy.
“Şynymen de düniejüzılık nömırleudıŋ 7-şı aimaǧyn bırlesıp (Reseimen bırge) paidalanyp jatyrmyz. Alaida osy jetılık aiasynda bızde qosymşa nömırleu bar jäne ol tek Qazaqstanǧa tiesılı. Būl tūrǧyda «+77», «+76» bar, sondai-aq qosymşa «+70» boiynşa kelısımge kelemız. Būl nömırleu tek Qazaqstanǧa qatysty bolady”, — dedı ministr Jaslan Mädiev.
Qūjatta körsetılgendei, Qazaqstan Respublikasy +7 kod aimaǧynda +70, +76 jäne +77 kod auqymdaryn paidalanady. Al Resei Federasiiasyna +72, +73, +74, +75 jäne +79 kodtary tiesılı.
Aita keteiık, byltyr küzde ministr Jaslan Mädiev Qazaqstannyŋ nelıkten Reseimen bırge +7 kodyn paidalanyp otyrǧanyn tüsındırgen.
Ūqsas jaŋalyqtar
