بىرنەشە كۇن قاتارىنان ىزدەۋدە بولعان اقمولا وبلىسىندا زەرەندى اۋداندىق پوليتسيا ءبولىمى باستىعىنىڭ ورىنباسارى ءولى كۇيدە تابىلعانى حابارلاندى. وبلىستىق پوليتسيا دەپارتامەنتىنىڭ اقپاراتىنا جۇگىنگەن جەرگىلىكتى باق-تىڭ حابارلاۋىنشا، مارقۇمنىڭ دەنەسى 25 ماۋسىم كۇنى، تاڭەرتەڭ، قىلشىقتى وزەنى اۋماعىنداعى شۇڭقىردان تابىلعان، دەپ حابارلايدى "ادىرنا" ۇلتتىق پورتالى.
دەمالىستا بولعان دۇيسەمبيننىڭ جوعالعانى تۋرالى اقپارات 23 ماۋسىمدا تۇسكەن. پوليتسيا قىزمەتكەرى ۇيىنەن 20 ماۋسىمدا كەتكەن. ىزدەۋ-قۇتقارۋ وپەراتسياسى ءبىر تاۋلىككە سوزىلعان.
رەسمي اقپاراتقا قاراعاندا، مارقۇمنىڭ دەنەسىندە كۇش قولدانۋ بەلگىلەرى بولماعانى انىقتالدى. ساراپتاما تاعايىندالعانى حابارلاندى.
"ادىرنا" ۇلتتىق پورتالى
ۇقساس جاڭالىقتار
