ۋاعىزىندا "پارا بەرۋگە بولادى" دەپ الىپ، كەيىن ءسوزىن تۇزەگەن يمام سىن استىندا قالدى

3722
Adyrna.kz Telegram
https://adyrna.kz/content/uploads/2023/06/izobrazhenie_2023-06-26_104747490.png
ءدىني وقىتۋشى قابىلبەك ءالىپبايۇلىنىڭ پارا بەرۋ تۋرالى التى جىل بۇرىن ايتقان ۋاعىزى جەلىدە قىزۋ تالقىعا ءتۇستى، دەپ جازادى "ادىرنا" ۇلتتىق پورتالى.  ۆيدەونى Facebook جەلىسىندە ناۋكا مۋكاش ەسىمدى قولدانۋشى جۇكتەدى. يمامنىڭ ايتۋىنشا، شاريعات بويىنشا پارا بەرۋگە بولاتىن ءبىر عانا ورىن بار. ء"وزىڭنىڭ ادال ەڭبەگىڭمەن، وقىعان ماماندىعىڭ بويىنشا جۇمىس ىستەپ جاتسىڭ. بىراق باسشىڭ كەلىپ پارا سۇراپ، بەرمەسەڭ سەنىڭ ورنىڭا باسقا بىرەۋدى الامىن دەسە، بالا-شاعاڭدى باعۋ ءۇشىن سول ادامعا پارا بەرۋىڭە رۇقسات" دەدى ول. دەرەكتەرگە سۇيەنسەك، ۆيدەوداعى ۋاعىز وسىدان التى جىل بۇرىن Youtube جەلىسىنە جۇكتەلگەن ەكەن. الايدا كەيىن قابىلبەك ءالىپبايۇلى بۇدان وزگە ۋاعىزدارىندا "پارا بەرۋ قانداي ماقساتتا بولماسىن دۇرىس ەمەس" دەپ ءسوزىن تۇزەگەن. سوعان قاراماستان قوعام نازارىنا ونىڭ التى جىل بۇرىنعى ۆيدەوسى ايرىقشا ىلىگىپ، سىنعا ۇشىراپ جاتىر. جەلى قولدانۋشىلارى تارالعان ۆيدەوعا "جەمقورلىققا شاقىرىپ وتىرعان بۇل كىسىگە جازا كەرەك", "نەگىزى شاريعاتقا قايشى نارسە، بۇل كىسى نە ايتىپ وتىر", "كۇلەمىز بە، جىلايمىز با؟ وتىرىكتى شىنداي، شىندى دىڭداي قىلدى دەگەن وسى - اۋ!" دەپ جازىستى.
پىكىرلەر