"ادىرنا" ۇلتتىق پورتالىنىڭ رەداكتسياسىنا قوعام بەلسەندىسىنەن ۇندەۋ كەلىپ ءتۇستى. ازامات ءوز ۇندەۋىندە ەلىمىزدەگى جالپىحىلىقتىق نەگىزدە تالقىعا ءتۇسىپ جاتقان ماسەلەگە نازار اۋدارىپ، پىكىر بىلدىرەدى.
سونىمەن قاتار، قوعام بەلسەندىسى ايتىسكەر اقىن، قر ءماجىلىسىنىڭ دەپۋتاتى رينات زايتوۆتى تۇتاس حالىق بولىپ قولداۋعا شاقىرىپ، ونىڭ شىققان تەگى، وسكەن-ونگەن جەرىنە قاتىستى:
- قادىرمەندى حالقىم! مىناۋ رينات تۋرالى بۇكىل قازاقستان شۋلاپ جاتىر. شەتەلدەگى ەرجان تۇرعىمباي دەگەن بار. وزىنەن باسقا جان جوق سياقتى، نەشە ءتۇرلىنى ايتادى. بىرەۋلەردى سويلەتىپ جاتىر. ريناتتى قازاق ەمەس دەيدى. ريناتتىڭ تۋعان اتاسى دۇيسەكەنوۆ زايد دەگەن كىسى بولعان. مارقۇم ءبىرسوزدى، ادىلەتسىزدىككە توزبەيتىن، ايتقان ءسوزى ءمىردىڭ وعىنداي ادام ەدى. ال ناعاشى اتاسى سۇلەيمەنوۆ قالياسقار دەگەن كىسى بولدى. سوعىسقا قاتىسقان، ۇلى وتان سوعىسىنىڭ ارداگەرى بولعان، ءبىر اياعىن بەرگەن ەرەكشە مىنەزدى اقىن ادام ەدى... ريات سونداي ادامداردىڭ ۇرپاعى عوي. ريناتتى قولداڭدار. پارلامەنتتە رينات سياقتى ساۋساقپەن سانارلىق قانا ادامدار وتىر. بارلىعى ۇلگى السىن، - دەدى قوعام بەلسەندىسى.
ەستەرىڭىزگە سالا كەتەيىك، ءماجىلىس دەپۋتاتى رينات زايىتوۆ قازاقستاندا جاسالىپ جاتقان الاياقتىقتاردىڭ 80 پايىزىن جات تۇسىنىكتەگى جانداردىڭ جاسايتىن مالىمدەدى. بۇل تۋرالى دەپۋتات «Adyrna» ۇلتتىق پورتالىنا بەرگەن سۇحباتىندا ايتتى.
- وتىرىك دەسە، بەتىمە باسسىن. ءتىپتى قاراپايىم بازارعا بارىڭىز، باسقا جەرگە بارىڭىز «اللا» دەپ تۇرىپ ادام الداپ جاتىر. وندا جاناشىر ادامدار وسىنى تۇزەتسىن، - دەدى ول.
<
"ادىرنا" ۇلتتىق پورتالى
