قر ىشكى ىستەر مينيسترلىگىندە وتكەن بريفينگتە ءىىم اپك ەرەكشە تاپسىرمالار جونىندەگى اعا ينسپەكتور التىنبەك جاماليەۆ قازاقستاندا كولىكتەردى زاڭداستىرۋ مەرزىمىن ۇزارتۋ تۋرالى سۇراققا جاۋاپ بەردى، - دەپ حابارلايدى "ادىرنا" ءتىلشىسى.
"ەگەر 1 شىلدەگە دەيىن ءوتىنىش بەرىپ ۇلگەرسەڭىز، وندا بۇل ءوتىنىشتى قاراۋدى جالعاستىراتىنىمىزدى اتاپ وتكىم كەلەدى. ياعني، دۇربەلەڭ جاساۋدىڭ قاجەتى جوق، ءالى ۋاقىت بار. كولىگىڭىزدى زاڭداستىرۋ ءۇشىن ەڭ باستىسى 1 شىلدەگە دەيىن ءوتىنىش بەرۋ كەرەك", - دەدى جاماليەۆ.بۇل رەتتە ول بۇگىندە قازاقستاندا 177 مىڭنان اسا اۆتوكولىك تىركەلگەنىن، ونىڭ 10 مىڭعا جۋىعى قۇراستىرىلعان كولىكتەر ەكەنىن ءتۇسىندىردى.
