بالقاشتاعى ءورت. ايماقتاعى احۋال قانداي؟

ىلە-بالقاش رەزەرۆاتىنىڭ جانۋ اۋماعى قازىرگى ۋاقىتتا ورتسوندىرۋشىلەردىڭ كۇشىمەن 120 گەكتارعا دەيىن تومەندەدى. ءورتتىڭ جالپى اۋماعى شامامەن 6200 گەكتار بولدى، ونىڭ ىشىندە سوندىرىلگەنى - 6080 گەكتار، - دەپ حابارلايدى "ادىرنا" تىلشىسى الماتى وبلىسى تجد ءباسپاسوز قىزمەتىنە سىلتەمە جاساپ. "تجد جانە "ىلە-بالقاش" متر" رمم كۇشتەرىمەن قولمەن جۇمىس جاسايتىن شانتس قۇرالدارى مەن موتوپومپالاردى پايدالانا وتىرىپ، جاياۋ تارتىپپەن سولتۇستىك-باتىس جاعىنداعى 6-شى كۆارتالدا الدىن الا 120 گا الاڭدا ءسوندىرۋ جۇرگىزىلىپ جاتىر. سونىمەن قاتار، باقاناس ورمان شارۋاشىلىعى ۋچاسكەلەرىندە ءورتتىڭ تارالۋىن بولدىرماۋ ءۇشىن ورمان شارۋاشىلىعى كۇشتەرىمەن جىرتۋ جۇمىستارى جۇرگىزىلىپ جاتىر. ەلدى مەكەندەرگە قاۋىپ جوق", - دەلىنگەن حابارلامادا. مەتەورولوگيالىق جاعداي: بۇلتتى، جاۋىن-شاشىنسىز، اۋا تەمپەراتۋراسى +16 س، وڭتۇستىك-شىعىس جەل 1 م / س. "جانۋدى سوندىرۋگە 34 قىزمەتكەر، 3 تەحنيكا، 1 ءجۇزۋ قۇرالى مەن درون جۇمىلدىرىلعان. 2023 جىلعى 26 ماۋسىمدا قوسىمشا 13 ادام، 2 تەحنيكا جانە 2 موتوپومپاسى بار 1 ءجۇزۋ قۇرالى جىبەرىلدى. سونداي-اق، "ىلە-بالقاش "رمم 25 ادام جانە 10 تەحنيكا، 8 ادام جانە 4 ورمان شارۋاشىلىعى تەحنيكاسى جۇمىلدىرىلعان", - دەلىنگەن حابارلامادا.