«ۆاگنەر» جەكە اسكەري كومپانياسىنىڭ باسشىسى ەۆگەني پريگوجين «ادىلەت شەرۋى» اياقتالعاننان كەيىن العاش رەت مالىمدەمە جاسادى. ونىڭ اۋديوجازباسى «پرەسس-سلۋجبا پريگوجينا» Telegram ارناسىندا جاريالاندى، دەپ حابارلايدى «ادىرنا» ءتىلشىسى.
«ينتريگالاردىڭ ويلاستىرىلماعان شەشىمدەردىڭ ناتيجەسىندە بۇل ءبولىم 1 شىلدەدە جۇمىسىن توقتاتۋى كەرەك ەدى. كومانديرلەر مەن جالدامالىلاردىڭ ەشقايسىسى رەسەي قورعانىس مينيسترلىگىمەن كەلىسىمشارتقا وتىرۋعا كەلىسپەدى. سەبەبى بۇنىڭ جاۋىنگەرلىك قابىلەتتىلىكتىڭ تولىق جوعالۋىنا اكەلەتىنىن جاقسى بىلەمىز»،—دەدى ول.ايتۋىنشا، اسكەري كوتەرىلىستىڭ بولۋىنا قورعانىس مينيسترلىگى تاراپىنان جاسالعان زىمىران سوققىسى سەبەپ بولعان.
«ءبىر كۇندە 780 شاقىرىمدى باعىندىردىق. «ۆاگنەر» تاراپىنان 30-عا جۋىق جاۋىنگەر قازا تاپتى. ءبىز جاساقتىڭ جويىلۋىنا جول بەرمەۋ ءۇشىن ناۋقان جاسادىق. بۇنى كوپشىلىك تە تالاپ ەتتى. ماسكەۋگە جەتۋگە 200 شاقىرىم قالعان ەدى. ءبىرىنشى شابۋىل جاساعى ارتيللەريانى ورنالاستىرىپ، ايماققا بارلاۋ جۇرگىزگەن ساتتە توقتادىق. قان توككىمىز كەلمەدى. ويتكەنى «ۆاگنەر» ەلدەگى ۇكىمەتتى قۇلاتۋ ءۇشىن ەمەس، ءوز نارازىلىقتارىن كورسەتۋگە باردى. ءبىز نە ىستەگىمىز كەلەتىنىن كورسەتۋ جەتكىلىكتى دەپ شەشتىك»،—دەپ ءتۇسىندىردى پريگوجين.ەسكە سالايىق، 24 ماۋسىمعا قاراعان ءتۇنى ەۆگەني پريگوجين رەسەي قورعانىس مينيسترلىگىن سوققى بەردى دەپ ايىپتاپ، قارۋلى قاقتىعىس باستالعانىن مالىمدەگەن ەدى. كەيىنىرەك وعان قارسى قارۋلى كوتەرىلىس ۇيىمداستىرۋ فاكتىسى بويىنشا قىلمىستىق ءىس قوزعالدى. ەل پرەزيدەنتى اسكەري بۇلىكشىلەردى ساتقىن دەپ ايىپتادى. «ۆاگنەر» جاساعى ماسكەۋگە 200 شاقىرىم قالعاندا كەيىن شەگىنەتىندەرىن مالىمدەدى.
«قان توگىلۋى مۇمكىن، سوندىقتان اسكەرىمدى الىپ كەتەمىن»،—دەدى پريگوجين.
ۇقساس جاڭالىقتار
