قوناەۆ قالاسىندا ستۋدەنت بويجەتكەننىڭ ولىمىنە قاتىستى الماتى وبلىسىنىڭ پوليتسيا دەپارتامەنتى مالىمدەمە جاسادى، دەپ حابارلايدى “ادىرنا” ۇلتتىق پورتالى.
قوناەۆ قالاسىندا جاس جىگىتتەر ستۋدەنت قىزدى، ۇرىپ ولتىرگەنى تۋرالى حابارلاعان ەدىك.
اقپارت بويىنشا، مارقۇمنىڭ ەسىمى – جاننۇر، ول نەبارى 18 جاستا بولاتىن، كوللەدجدە اسپازشى ماماندىعى بويىنشا وقىپ جۇرگەن.
ۆەدومستۆو مالىمەتىنشە، الماتى قالاسىنىڭ پوليتسياسىنا الماتى وبلىسىنىڭ اۋماعىنداعى كىسى ءولىمى تۋرالى حابارلاما 21 ناۋرىزدا تۇسكەن.
“بۇل اقپاراتتى ءبىز دەرەۋ تەكسەرىپ، ناتيجەسىندە 2006 جىلى تۋعان قىزدى ءولتىرۋ دەرەگى راستالدى. قوناەۆ قالاسىنىڭ پوليتسياسىندا كىسى ءولتىرۋ فاكتىسى بويىنشا قىلمىستىق ءىس قوزعالدى. پوليتسيا قىزمەتكەرلەرى 2001 جانە 2003 جىلى تۋعان ەكى كۇدىكتى ادامدى انىقتاپ، ۇستادى”، - دەدى الماتى وبلىسىنىڭ پد باستىعى باۋىرجان الەنوۆ.
تەرگەۋ بارىسىندا كۇدىكتىلەردىڭ 15 ناۋرىزعا قاراعان ءتۇنى جاس قىزدى قوناەۆ قالاسىنىڭ شەتىندە ورنالاسقان ادام جۇرمەيتىن جەرگە اپارىپ ولتىرگەنى انىقتالدى.
"تەرگەۋ ارەكەتتەرىنىڭ ناتيجەسىندە قىزدى 2 ادامنىڭ ولتىرگەنى انىقتالدى جانە ولاردىڭ قاماۋعا الىنعانىن حابارلايمىز. قر قپك تالاپتارىنا سايكەس، سوتقا دەيىنگى تەرگەپ-تەكسەرۋ بارىسى تۋرالى وزگە اقپارات جاريالاۋعا جاتپايدى”، - دەدى باۋىرجان الەنوۆ.
الايدا قىزدىڭ تۋىستارىنىڭ ايتۋىنشا، ولىمگە كۇدىكتىلەر – 4 ادام. ولاردىڭ جاسى – 18-21 ارالىعىندا. ەكەۋى ۇستالعانمەن، قالعان ەكەۋى بوستاندىقتا جۇرگەن كورىنەدى.
