«Vagner» jeke äskeri kompaniiasynyŋ basşysy Evgenii Prigojin «ädılet şeruı» aiaqtalǧannan keiın alǧaş ret mälımdeme jasady. Onyŋ audiojazbasy «Press-slujba Prigojina» Telegram arnasynda jariialandy, dep habarlaidy «Adyrna» tılşısı.
«İntrigalardyŋ oilastyrylmaǧan şeşımderdıŋ nätijesınde būl bölım 1 şıldede jūmysyn toqtatuy kerek edı. Komandirler men jaldamalylardyŋ eşqaisysy Resei Qorǧanys ministrlıgımen kelısımşartqa otyruǧa kelıspedı. Sebebı būnyŋ jauyngerlık qabılettılıktıŋ tolyq joǧaluyna äkeletının jaqsy bılemız»,—dedı ol.Aituynşa, äskeri köterılıstıŋ boluyna Qorǧanys ministrlıgı tarapynan jasalǧan zymyran soqqysy sebep bolǧan.
«Bır künde 780 şaqyrymdy baǧyndyrdyq. «Vagner» tarapynan 30-ǧa juyq jauynger qaza tapty. Bız jasaqtyŋ joiyluyna jol bermeu üşın nauqan jasadyq. Būny köpşılık te talap ettı. Mäskeuge jetuge 200 şaqyrym qalǧan edı. Bırınşı şabuyl jasaǧy artilleriiany ornalastyryp, aimaqqa barlau jürgızgen sätte toqtadyq. Qan tökkımız kelmedı. Öitkenı «Vagner» eldegı ükımettı qūlatu üşın emes, öz narazylyqtaryn körsetuge bardy. Bız ne ıstegımız keletının körsetu jetkılıktı dep şeştık»,—dep tüsındırdı Prigojin.Eske salaiyq, 24 mausymǧa qaraǧan tünı Evgenii Prigojin Resei qorǧanys ministrlıgın soqqy berdı dep aiyptap, qaruly qaqtyǧys bastalǧanyn mälımdegen edı. Keiınırek oǧan qarsy qaruly köterılıs ūiymdastyru faktısı boiynşa qylmystyq ıs qozǧaldy. El prezidentı äskeri bülıkşılerdı satqyn dep aiyptady. «Vagner» jasaǧy Mäskeuge 200 şaqyrym qalǧanda keiın şegınetınderın mälımdedı.
«Qan tögıluı mümkın, sondyqtan äskerımdı alyp ketemın»,—dedı Prigojin.
Ūqsas jaŋalyqtar
