جەلىدە «قازمۇنايگاز» ءبو» اق باس ديرەكتورىنىڭ كورپوراتيۆتىك دامۋ جانە اكتيۆتەردى باسقارۋ جونىندەگى ەكس-ورىنباسارى اسقار اۋباكىروۆتىڭ ايەلى بوتاگوز كوشەنوۆانىڭ ءال-اۋقاتى تالقىعا تۇسۋدە، دەپ حابارلايدى “ادىرنا” ۇلتتىق پورتالى Ulysmedia.kz پورتالىنا سىلتەمە جاساپ.
ەكس-ورىنباساردىڭ ايەلى كوشەنوۆا ءساندى دە قىمبات كيىمدەرىمەن تۇسكەن سۋرەتتەرىن ۇنەمى جەلىدە جاريالاپ وتىرادى. اۋباكىروۆتىڭ ايەلىنىڭ ءبىر عانا سۋرەتىندەگى دۇنيەلەر 12 ميلليون تەڭگەدەن 18 ميلليون تەڭگەگە دەيىن باعالانۋى مۇمكىن ەكەنى ءمالىم بولدى.
فوتو: الەۋمەتتىك جەلىدەن
اسقار اۋباكىروۆ 2011 جىلعى جاڭاوزەن وقيعاسىنا دەيىن «قازمۇنايگاز» ءبو اق-نىڭ ساتىپ الۋلارىن «قاداعالاپ»، 2012 جىلدىڭ قاڭتارىندا ول جەردەن جۇمىستان شىعارىلعان.
ۇلتتىق كومپانيا اۋباكىروۆتىڭ قمگ جۇيەسىندە 11 جىل جۇمىس ىستەمەگەنىن جازعان.
سونىمەن قاتار، 2011 جىلى جاڭاوزەندە قازىرگى قازاقستان
ءبىرىنشى جارتىجىلدىقتا مۇندا مۇنايشىلاردىڭ ەرەۋىلدەرى باستالىپ، اقىرىندا وعان 15 مىڭعا جۋىق ادام قوسىلدى. رەسمي مالىمەت بويىنشا، 16 ادام قازا تاۋىپ، جۇزدەن استام ادام جارالانعان. بەيرەسمي دەرەكتەردە بۇل وقيعالارعا قاتىسۋشىلاردىڭ كەم دەگەندە 70-ءى كوز جۇمىپ، بەس جۇزدەن استامى جارالانعانى ايتىلادى. قازا تاپقانداردىڭ اراسىندا سول كۇنى الاڭدا كەزدەيسوق بولعان قالانىڭ تۇرعىندارى دا بار.
ال اۋباكىروۆ «قازمۇنايگازدا» ءۇش جىل (2009 جىلدان 2012 جىلعا دەيىن) جۇمىس ىستەگەن. كومپانيادان بوساتىلعاننان كەيىن ول «كاسپي مۇنايى» اق ديرەكتورلار كەڭەسىنىڭ مۇشەسى – ديرەكتورلار كەڭەسىنىڭ توراعاسى بولدى (03.07.2016-07.2017).
ول سونداي-اق «ەۋروازيا كونستراكشن» اق ديرەكتورلار كەڭەسىنىڭ توراعاسى، ديرەكتورى بولدى.
