ىشكى ىستەر مينيسترلىگى استاناداعى ساۋدا-ويىن ورتالىقتارىنىڭ بىرىندە بولعان توبەلەسكە قاتىستى تۇسىنىكتەمە بەردى. باسقارما تانىمال بوكسشى بەيبىت شۇمەنوۆتىڭ بالاسىمەن جۇرگەن ەر ادامعا جۇدىرىق الا جۇگىرگەنىن راستادى، دەپ حابارلايدى «ادىرنا» ءتىلشىسى.
«ءيا، راستايمىز، بۇل بويىنشا قازىر ءتيىستى جۇمىستار جۇرگىزىلىپ جاتىر. قىلمىستىق ءىس بۇزاقىلىق بابى بويىنشا قوزعالدى. ول جەردە اۋىر ەمەس قىلمىس جاسالعان، ساراپتاما كورسەتەدى. ءبىز دە كۇتىپ وتىرمىز. شۇمەنوۆ ماساڭ كۇيدە بولعان جوق»،—دەپ ءتۇسىندىردى ىشكى ىستەر ءمينيسترىنىڭ ورىنباسارى قايرات سۇنتاەۆ ۇكىمەتتىڭ كۋلۋارىندا.
ول ەر ادامنىڭ قولىندا بولعان بالانىڭ زارداپ شەكپەگەنىن اتاپ ءوتتى.
ۆيتسە-مينيستر بۇل ىسكە بەي-جاي قاراعان ۋچاسكەلىك ينسپەكتورعا قاتىستى قىزمەتتىك تەكسەرۋ باستالعانىن مالىمدەدى.
«تەكسەرۋ ءجۇرىپ جاتىر، ول قاتاڭ جازالانادى، كەشە عانا مينيستر بۇل ماسەلەنى كوتەردى»، - دەدى سۇنتاەۆ.⠀
بۇعان دەيىن سپورتشى بەيبىت شۇمەنوۆتىڭ نارەستە كوتەرگەن جىگىتتى ۇرعان ۆيدەوسى تاراعانىن جازعان ەدىك.
