شىمكەنت قالاسى اكىمدىگىندە ستۋدەنتتەردى اكىمدىكتىڭ قىزمەتىمەن تانىستىرۋ جانە مەملەكەتتىك قىزمەتكە ورنالاسۋ ءتارتىبىن ءتۇسىندىرۋ بويىنشا “اشىق ەسىك كۇنى” ءوتتى.
قالا اكىمى اپپاراتى، قالالىق ىشكى ساياسات جانە جاستار ىستەرى جونىندەگى باسقارماسى بىرلەسە ۇيىمداستىرعان ءىس-شاراعا جوو، كوللەدج شاكىرتتەرى قاتىستى.
شىمكەنت قالاسى اكىمى اپپاراتى باسشىسىنىڭ ورىنباسارى باعلان اسانباەۆ مەملەكەتتىك قىزمەتتىڭ قۇرىلىمىن، ماڭىزدىلىعىن ءتۇسىندىرىپ، اتالعان جيىن شاكىرتتەرگە مەملەكەتتىك قىزمەتكە كىرۋىنە ءوز سەپتىگىن تيگىزەتىنىن اتاپ ءوتتى.
— قالا اكىمدىگىندە مەملەكەتتىك قىزمەتشىلەردىڭ 20 پايىزى 29 جاسقا دەيىنگى جاستار. جاس ۇرپاقتىڭ مەملەكەتتىك قىزمەتكە قىزىعۋشىلىعىن ارتتىرۋدا بۇگىنگى جيىننىڭ ماڭىزى زور. قالا اكىمدىگى بۇل باعىتتا ءاردايىم قولداۋعا دايىن، - دەدى اپپارات باسشىسىنىڭ ورىنباسارى.
سونىمەن قاتار، ءىس-شارادا مەملەكەتتىك قىزمەت ىستەرى اگەنتتىگى شىمكەنت قالاسى بويىنشا دەپارتامەنتىنىڭ باس مامانى ارداق قانسەيىت مەملەكەتتىك قىزمەتكە ازاماتتاردى ىرىكتەۋدىڭ جولدارى، زاڭعا ەنگىزىلگەن وزگەرىستەردى باياندادى. شىمكەنت قالاسىندا مەملەكەتتىك قىزمەتكە ورنالاسۋعا ىرىكتەۋدىڭ جاڭا پيلوتتىق جوباسى ازىرلەنگەن.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز