Şymkent qalasy äkımdıgınde studentterdı äkımdıktıŋ qyzmetımen tanystyru jäne memlekettık qyzmetke ornalasu tärtıbın tüsındıru boiynşa “Aşyq esık künı” öttı.
Qala äkımı apparaty, qalalyq ışkı saiasat jäne jastar ısterı jönındegı basqarmasy bırlese ūiymdastyrǧan ıs-şaraǧa JOO, kolledj şäkırtterı qatysty.
Şymkent qalasy äkımı apparaty basşysynyŋ orynbasary Baǧlan Asanbaev memlekettık qyzmettıŋ qūrylymyn, maŋyzdylyǧyn tüsındırıp, atalǧan jiyn şäkırtterge memlekettık qyzmetke kıruıne öz septıgın tigızetının atap öttı.
— Qala äkımdıgınde memlekettık qyzmetşılerdıŋ 20 paiyzy 29 jasqa deiıngı jastar. Jas ūrpaqtyŋ memlekettık qyzmetke qyzyǧuşylyǧyn arttyruda bügıngı jiynnyŋ maŋyzy zor. Qala äkımdıgı būl baǧytta ärdaiym qoldauǧa daiyn, - dedı apparat basşysynyŋ orynbasary.
Sonymen qatar, ıs-şarada Memlekettık qyzmet ısterı Agenttıgı Şymkent qalasy boiynşa departamentınıŋ bas mamany Ardaq Qanseiıt memlekettık qyzmetke azamattardy ırıkteudıŋ joldary, zaŋǧa engızılgen özgerısterdı baiandady. Şymkent qalasynda Memlekettık qyzmetke ornalasuǧa ırıkteudıŋ jaŋa pilottyq jobasy äzırlengen.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz